Naga Vamsi: టాలీవుడ్ మొత్తంలో నాగవంశీ ముందుకొచ్చాడా..?

నంద‌మూరి బాల‌కృష్ణ‌కి  (Nandamuri Balakrishna)  ప‌ద్మ‌భూష‌ణ్ పుర‌స్కారాన్ని ప్రకటించింది కేంద్ర ప్రభుత్వం. ఆయన సినీ పరిశ్రమకి అలాగే బసవతారకం హాస్పిటల్ ద్వారా చేస్తున్న సేవలను గుర్తించి కేంద్ర ప్రభుత్వం ఆయనకు ఈ అవార్డు ప్రకటించడం జరిగింది. దీంతో ఆయన ఫ్యాన్స్ అంతా సంతోషం వ్యక్తం చేశారు. సినీ పరిశ్రమకు చెందిన దర్శకనిర్మాతలు, తోటి హీరోలు కూడా బాలయ్యకి అభినందనలు తెలిపారు. ఇలాంటి టైంలో ఇండస్ట్రీ జనమంతా ఏకమై సదరు హీరోని సన్మానించడం అనేది ఎప్పటినుండో వస్తున్న ఆనవాయితీ.

Naga Vamsi

కానీ కొన్నాళ్లుగా అలాంటి ఆరోగ్యకరమైన పరిస్థితులు కనిపించడం లేదు. మొన్నామధ్య చిరంజీవికి ప‌ద్మ విభూష‌ణ్ వచ్చినప్పుడు ఎలాంటి సన్మానాలు జరగలేదు. అయితే చిరుకి పద్మభూషణ్ వచ్చినప్పుడు సన్మానించారు. మరి ఇప్పుడు బాలయ్య విషయంలో ఇండస్ట్రీ అంతా ఏకమై ఆయన్ని సన్మానిస్తుందా? అనే డిస్కషన్స్ జరుగుతున్న టైంలో.. ఓ యువ నిర్మాత ఒక ఈవెంట్ ఏర్పాటు చేసి బాలయ్యని సన్మానించాలని చూస్తున్నాడట. అతను ‘సితార ఎంటర్టైన్మెంట్స్’ అధినేత నాగవంశీ (Suryadevara Naga Vamsi ) అని సమాచారం.

నాగవంశీ సహజంగానే బాలకృష్ణకి, ఎన్టీఆర్ కి(Jr NTR)  వీరాభిమాని…! ఈ సంగతి అందరికీ తెలిసిందే. ‘డాకు మహారాజ్’ (Daaku Maharaaj) సినిమాకి హిట్ టాక్ వచ్చినప్పుడు ఆయన గ్రాండ్ పార్టీ ఏర్పాటు చేశారు. ఇప్పుడు బాలయ్యని సన్మానించేందుకు కూడా ఆయన రెడీ అయినట్టు టాక్. దీనిపై ఇంకా ఎటువంటి అధికారిక ప్రకటన రాలేదు. కానీ ఇది నిజమనే టాక్ బలంగా వినిపిస్తోంది. మరోపక్క బాలకృష్ణ ‘అఖండ 2’ (Akhanda) సినిమాలో నటిస్తూ బిజీగా గడుపుతున్నారు. ఆ తర్వాత గోపీచంద్ మలినేని (Gopichand Malineni) దర్శకత్వంలో మరో సినిమా చేసే అవకాశాలు కూడా కనిపిస్తున్నాయి.

పొట్టి నెలలో రాబోయే సినిమాలివి.. అందరికీ చాలా కీలకం మరి!