‘వైల్డ్ డాగ్’ సినిమా షూటింగ్ కారణంగా మనాలి వెళ్ళాడు కింగ్ నాగార్జున. ఈ నేపథ్యంలో ‘బిగ్బాస్ 4’ ను హోస్ట్ చేసే బాధ్యతను ఆయన కోడలు అక్కినేని సమంత తీసుకుంది. దసరా ఎపిసోడ్ ను ఆమె హోస్ట్ చేసింది. తెలుగు మాట్లాడటంలో ఏమాత్రం తడబడలేదు. ఒక్క ఎపిసోడ్ కూడా చూడకపోయినప్పటికీ చాలా అద్భుతంగా హోస్ట్ చేసింది. అయితే ఈ వారం కూడా సమంతనే హోస్ట్ చేస్తుందా అనే అనుమానాలు వ్యక్తమయ్యాయి.
ఒక్క ఈ వారం మాత్రమే కాదు మరో మూడు వారాల పాటు సమంతనే హోస్ట్ చేస్తుందని.. అందుకు ఆమెకు 2కోట్ల పైనే ‘బిగ్ బాస్’ నిర్వాహకులు పారితోషికం ఇచ్చారని వార్తలు వచ్చాయి. ఆ వార్తలన్నిటికీ ఫుల్ స్టాప్ పెట్టేసాడు మన కింగ్. ‘బ్యాక్ టు హైదరాబాద్’ అంటూ నాగార్జున…ప్రత్యేక విమానంలో ప్రయాణమై వచ్చిన ఓ వీడియోని పోస్ట్ చేశారు ‘స్టార్‌ మా’ వారు. ప్రస్తుతం సోషల్ మీడియాలో ఈ వీడియో వైరల్ అవుతుంది.
నాగార్జున ఎంట్రీ ఇవ్వడంతో మళ్ళీ బిగ్బాస్ ఫ్యాన్స్ ఆనందం వ్యక్తం చేస్తూ కామెంట్లు పెడుతున్నారు. అయితే ఈ శనివారం తరువాత మళ్ళీ నాగార్జున.. హిమాచల్ ప్రదేశ్ వెళ్ళే అవకాశాలు ఉన్నాయనే టాక్ కూడా వినిపిస్తుంది. చూడాలి మరి ఆ ప్రచారంలో ఎంత వరకూ నిజముందో..!
‘ఆర్.ఆర్.ఆర్’ : భీమ్ పాత్రకు రాజమౌళి ఆ పాయింటునే తీసుకున్నాడా?
‘బిగ్ బాస్’ అఖిల్ గురించి మనకు తెలియని విషయాలు..!
టాలీవుడ్లో 30 కోట్ల మార్కెట్ కలిగిన హీరోలు ఎవరో తెలుసా?
