అక్కినేని నాగార్జున, నాగచైతన్య మధ్య పోటీ నెలకొని ఉంది. రేపు ఆ పోటీలో గెలుపెవరిదో ఉగాది పండుగ తేల్చనుంది. పోటీ ఏంటి? పండుగ ఏంటి ? అని అనుకుంటున్నారా?.. అయితే వివరాల్లోకి వెళ్లాల్సిందే. యువసామ్రాట్ నాగచైతన్య ప్రేమమ్, సాహసం శ్వాసగా సాగిపో వంటి విజయాల తర్వాత కల్యాణ్ కృష్ణ దర్శకత్వంలో ఒక సినిమా చేస్తున్నారు. సోగ్గాడే చిన్ని నాయన వంటి సూపర్ హిట్ చిత్రాన్ని తెరకెక్కించిన డైరక్షన్లో వస్తున్న సినిమా కావడంతో దీనిపై భారీ అంచనాలు ఉన్నాయి. ఈ సినిమాకి ‘రారండోయ్ వేడుక చూద్దాం’ అనే టైటిల్ ను పరిశీలిస్తున్నారు. ‘ఉగాది’ పండుగ సందర్భంగా ఫస్ట్ లుక్ తో పాటు టైటిల్ ని రివీల్ చేయనున్నారు.
అయితే ఫస్ట్ లుక్ కి నాగ చైతన్య ఒక ఫోటో సెలక్ట్ చేయగా, నాగార్జునకు మరో ఫోటో నచ్చిందంట. దీంతో ఏ లుక్ రిలీజ్ చేయాలో తెలియక డైరక్టర్ రెండింటిని రిలీజ్ చేయాలనీ ఫిక్స్ అయ్యారు. ఇదే విషయాన్నీ నాగచైతన్య ఈ రోజు ట్విట్టర్లో పోస్ట్ చేశారు. వెంటనే నాగార్జున ” ఈ రెండు ఫస్టులుక్స్ లో ఏది ఎక్కువ క్లిక్ అవుతుందో చూద్దాం” అని రీ ట్వీట్ చేశారు. వారిద్దరూ సెలెక్ట్ చేసిన ఫస్టు లుక్స్ లోదేనికి ఎక్కువ మార్కులు పడతాయో మరికొన్ని గంటల్లో తేలిపోనుంది.
Also, do SUBSCRIBE to our YouTube channel to get latest Tollywood updates.
