టాలీవుడ్ ఇండస్ట్రీలో సీనియర్ నటుడుగా కొనసాగుతున్న అక్కినేని నాగార్జునకు విపరీతమైన ఫ్యాన్ ఫాలోయింగ్ ఉంది. ఈయన ఎన్నో కుటుంబ కథ చిత్రాలు మాత్రమే కాకుండా ప్రేమ కథ చిత్రాలలోనూ అలాగే భక్తి చిత్రాలలో నటించి అన్ని వర్గాల ప్రేక్షకులను ఆకట్టుకున్నారు. ఈ క్రమంలోనే నాగార్జున నటించిన అన్నమయ్య, శ్రీరామదాసు, శిరిడి సాయి, వంటి సినిమాలకు విశేష ఆదరణ వచ్చింది. ఈ విధంగా నాగార్జున సినీ కెరియర్ లో భక్తిరస చిత్రాలలో మైలురాయిగా నిలిచిన అన్నమయ్య సినిమా గురించి ప్రత్యేకంగా చెప్పాల్సిన పనిలేదు.
రాఘవేంద్రరావు దర్శకత్వంలో తెరకెక్కిన ఈ సినిమా 1997 మే రెండవ తేదీ విడుదల అయ్యి ఎంతో మంచి విజయాన్ని అందుకుంది. ఈ క్రమంలోనే నాగార్జున పై అభిమానంతో ఏకంగా ఓ అభిమాని అన్నమయ్య ఆలయాన్ని నిర్మించడానికి శ్రీకారం చుట్టాడు. గుంటూరుకు చెందిన ఒక అభిమాని నాగార్జున నటించిన అన్నమయ్య సినిమా విడుదలైన తర్వాత ఈ ఆలయ నిర్మాణ పనులను చేపట్టారు. ఈ విధంగా 1997 లో ప్రారంభమైన ఈ ఆలయ నిర్మాణం ప్రస్తుతం కూడా కొనసాగుతోంది.
ఇలా ఈ ఆలయ నిర్మాణాన్ని చేపట్టడం కోసం ఆ అభిమాని ఏకంగా కోటి రూపాయలు ఖర్చు చేసినట్లు తెలుస్తోంది.ఈ విధంగా కేవలం తమ అభిమాన హీరో భక్తి చిత్రాలలో నటించారని ఉద్దేశంతోనే ఆయనపై ఇష్టంతో అభిమాని ఇలా అన్నమయ్య ఆలయం నిర్మించడం అందరిని ఆశ్చర్యానికి గురి చేస్తోంది. ప్రస్తుతం ఈ ఘటనకు సంబంధించిన ఈ వార్త సోషల్ మీడియాలో వైరల్ గా మారింది.మరి ఈ విషయంపై నాగార్జున ఏవిధంగా స్పందిస్తారో తెలియాల్సి ఉంది.
Most Recommended Video
‘తొలిప్రేమ’ టు ‘ఖుషి’.. రిపీట్ అవుతున్న పాత సినిమా టైటిల్స్ ఇవే..!
ఈ 12 మంది మిడ్ రేంజ్ హీరోల కెరీర్లో అత్యధిక కలెక్షన్లు రాబట్టిన సినిమాలు ఇవే..!
ఈ 10 మంది సౌత్ స్టార్స్ తమ బాలీవుడ్ ఎంట్రీ పై చేసిన కామెంట్స్ ఏంటంటే..!
Home