బిగ్‌బాస్‌ 4 వీకెండ్‌ రివ్యూ: నాగార్జున ఎవరి మీద కోపమయ్యాడు!

వారం మొత్తం జరిగిన అంశాల మీద వీకెండ్‌లో నాగార్జున వచ్చి… మాట్లాడుతుంటాడు. ఒక్కోసారి కోప్పడుతుంటాడు. ఇంకోసారి కథ వేరుంటంది అంటూ ఆగ్రహిస్తుంటాడు. ఈ రోజు మూడోది జరిగింది. గత వారం రోజులుగా బిగ్‌ ఇంట్లో జరిగిన విషయాల్ని చూసిన నాగ్‌ ఈ రోజు ఇంటి సభ్యల విషయంలో అగ్గి మీద గుగ్గిలం అయ్యాడు. నాగ్‌ ఏ విషయాలు లేవనెత్తాడు… తర్వాత ఏం చేశాడనేది చూద్దాం.

నాగార్జున ఈ రోజు స్టేజీ మీదకు వస్తూ ఓ కొరడా తీసుకొచ్చాడు. అప్పుడు ఇంటి సభ్యలకు విషయం అర్థమైపోయింది. ఈ వారం మనకు కోటింగ్ ఉందని. అనుకున్నట్లు అదే జరిగింది. గత వారం తప్పు చేసిన వారిని, తప్పుగా ప్రవర్తించిన వారిని, తప్పుగా మాట్లాడినవారిపై కొరడా ఝలిపించాడు. గత వారం జరిగిన పెద్ద విషయాల్లో అభిజీత్‌ – అఖిల్‌ చర్చ ప్రధానమైనది. దాని మీదే తొలి చర్చ జరిగింది.

ఒకరినొకరు నామినేట్‌ చేసుకుంటూ మధ్యలో మోనాల్‌ను ఎందుకు తీసుకొచ్చరంటూ అభిజీత్, అఖిల్‌ను అడిగాడు నాగ్‌. దానికి అఖిల్‌ స్పందిస్తూ అతను వేలు చూపించి మాట్లాడాడు. గతంలోనూ మోనాల్‌ విషయంలో అలా చేశాడు అందుకే అడిగాను అన్నాడు. దానికి నాగ్‌… ఆమెకు వాయిస్‌ ఉంది కదా ఆమె అడుగుతుంది కదా అని అన్నాడు. అఖిల్‌ రెయిజ్‌ చేసిన టాపిక్‌ను డ్రాగ్‌ చేసిన అభిజీత్‌ను కూడా మందలించాడు. ఈ విషయంలో ఇద్దరి తప్పు ఉన్నట్లు నాగ్‌ చెప్పాడు. మోనాల్‌ మాట్లాడుతూ అదే విషయం చెప్పింది. ఇద్దరిదీ తప్పే.. ఇద్దరూ సారీ చెప్పారు అని మోనాల్‌ క్లియర్‌ చేసింది. అయితే తప్పు అఖిల్‌దే అంటూ అభిజీత్‌ స్టిక్‌ అయ్యాడు.

స్వాతి దీక్షిత్‌ నామినేషన్‌ కారణంగా చెప్పి అమ్మ రాజశేఖర్‌ మాస్టర్‌ను నామినేట్‌ చేయడంపై నాగర్జున నోయల్‌పై సీరియస్‌ అయ్యారు. అలా ఎలా చేస్తావ్‌ అంటూ అడిగారు. దానికి నోయల్‌ చెప్పిన సమాధానంతో ఆయన ఏకీభవించలేదు. అలాగే నోయల్‌ సారీ చెప్పడానికి వచ్చిన్నప్పుడు మాస్టర్‌ వినకపోవడాన్ని కూడా నాగ్‌ తప్పు పట్టాడు. అలాగే సౌసైడ్‌ విషయంలో అవినాష్‌ను తిట్టిన విధానం నచ్చిందని నాగ్‌ తెలిపాడు.

తర్వాత టాపిక్‌ యాంగ్రీ యంగ్‌మేన్‌ ది. నామినేషన్‌ సమయంలో దివి మీద అరిచిన తీరును నాగ్‌ తప్పు పట్టాడు. ఇంకోసారి ఇంట్లో అమ్మాయిల మీద అరిస్తే కొరడా తీయాల్సి ఉంటుందని అన్నాడు. ఆ తర్వాత సీక్కెట్‌ టాస్క్‌లో బాగా చేసిన అవినాష్‌ను పొగిడారు. హోటల్‌ టాస్క్‌ సమయం లో అమ్మ రాజశేఖర్‌ వంట చేస్తే ఆగ్రహం వ్యక్తం చేసిన సుజాతకు నాగ్‌ క్లాస్‌ పీకాడు.

హోటల్‌ టాస్క్‌ ఆగిపోయిన అంశంపై నాగ్‌ మాట్లాడారు. సర్వీసు చేసి స్టార్స్‌ తీసుకోమన్నారు. కానీ మీరు స్టార్స్‌ అడిగి, ఇస్తే సర్వీసు స్టార్ట్‌ చేస్తామన్నారు. సర్వీసు చేసుంటే మాస్టర్‌కు మరో స్టార్‌ వచ్చేది. అలా కాకుండా స్టార్స్‌ నువ్వు పాకెట్‌ పెట్టుకుని, గేమ్‌ ఆపేసి హోటల్‌ టీమ్‌ ఓడిపోయేలా చేశావ్‌ అంటూ అభిని నాగ్‌ ప్రశ్నించాడు. నీ గెలుపు కోసం మీ టీమ్‌ మేట్స్‌ ఓడిపోయేలా చేశావ్‌ అంటూ సూచించాడు నాగ్‌. నువ్వు ట్రిక్‌గా హారిక దగ్గర తీసుకున్న కాయిన్స్‌ చెల్లకపోవడం, నువ్వొక్కడివే ఆడటం సరికాదని నాగ్‌చెప్పాడు.

మెహబూబ్‌ విషయానికొచ్చేసరికి నాగ్‌ కు చలా కోపం వచ్చింది. మాటల విషయంలో ఎక్కువగా మాట్లాడుతున్నాని తేల్చాడు. ‘పుచ్చ పగిలిపోద్ది’ అంటూ మెహబూబ్‌ చేసిన పనిని నాగ్‌ వ్యతిరేకించాడు. అలా అనకుండా ఉండాల్సింది అంటూ కోప్పడ్డాడు. దానికి నాగ్‌ నువ్వు ఇదే మాట.. బయట ఏ హోటల్‌లో అయినా ఉంటే నీ కోపానికి పోలీసులకు అప్పగించేవారు అంటూ భయపెట్టాడు మెహబూబ్‌ నాగ్‌.