అక్కినేని నాగార్జున సోషల్ మీడియాలో హాట్ టాపిక్ అయ్యారు. ట్విట్టర్ లో నిరంతరం అభిమానులతో టచ్ లో ఉంటూ సినిమా, కుటుంబ సంగతులను షేర్ చేసుకుంటూ రోజురోజుకి ఫాలోవర్స్ ని పెంచుకుంటున్నారు. అందుకే నాగ్ ని అనుసరించేవారు సంఖ్య 3 మిలియన్ కు చేరుకుంది. తెలుగు చిత్ర పరిశ్రమలోనాగ్ కంటే ముందు మహేష్ బాబు మూడు మిలియన్ ఫాలోవర్స్ ని దాటేసారు. ఇప్పడు అతన్ని అనుసరిస్తున్న వారి సంఖ్య 3.6 మిలియన్ గా ఉంది. ఆ మార్క్ ని కూడా నాగార్జున త్వరలో దాటేలా కనిపిస్తున్నారు. ఇక ప్రపంచ వ్యాప్తంగా ట్విట్టర్లో అత్యధిక ఫాలోవర్స్ ని సొంతం చేసుకున్న జాబితాలో నాగ్ 260వ ర్యాంకు దక్కించుకున్నారు.
రోజూ 5 వేల మంది కొత్త ఫాలోయర్స్ ని ఆకట్టుకుంటూ నాగ్ ట్విట్టర్ ఖాతా 30 లక్షలకు చేరుకుందని ‘ట్విట్టర్ కౌంటర్’అనే వెబ్‌ సైట్ వారు ఈ విషయాన్నీ వెల్లడించగా.. అందుకు నాగార్జున స్పందిస్తూ “ఇంత అభిమానం చూపిస్తున్నందుకు కృత‌జ్ఞ‌త‌లు” అంటూ స‌మాధాన‌మిచ్చారు. ప్రస్తుతం నాగార్జున రాజుగారి గది 2 లో నటిస్తుండగా, అఖిల్ చిత్రాన్ని నిర్మిస్తున్నారు. ఈ పనులతో పాటు పెద్ద కొడుకు నాగచైతన్య పెళ్లి పనుల్లో బిజీగా ఉన్నారు.
Also, do SUBSCRIBE to our YouTube channel to get latest Tollywood updates.
