Samantha: సమంత అంటోంది.. మరి ఒప్పిస్తుందా?

‘ఫ్యామిలీ మ్యాన్‌’ వెబ్‌సిరీస్‌ మనోజ్‌ బాజ్‌పాయ్‌ అద్భుతంగా నటించాడు. ఆ సిరీస్‌ చూసే వారికి ఫేవరెట్‌ నటుల్లో ఆయన కచ్చితంగా ఉంటారు. ఎందుకంటే అంతగా మెప్పించారాయన. అయితే ‘ఆ పాత్రలో తెలుగు హీరోలు ఎవరు చేస్తే బాగుంటుంది?’ ఒక్కొక్కరికీ ఒక్కో ఆలోచన ఉండి ఉంటుంది. ఇదే మాట సమంతను అడిగితే… ఠక్కున నాగార్జున అని చెప్పేసింది. మనోజ్‌ పాత్రకు కింగ్‌ అయితే సరిగ్గా సరిపోతారనేది ఆమె ఉద్దేశం. దీంతో ఇప్పుడు సరికొత్త ఆలోచనలు వస్తున్నాయి.

‘ఫ్యామిలీ మ్యాన్‌’ కాన్సెప్ట్‌ చూస్తే… ఎన్ని సిరీస్‌లు అయినా చేయొచ్చు అనేలా ఉంటుంది. ఆ మాటకొస్తే చూడొచ్చు అనేలా కూడా ఉంటుంది అనుకోండి. మరి మూడో ‘ఫ్యామిలీ మ్యాన్‌’ వస్తే, ఆ అవకాశం నాగార్జున దగ్గరకు వెళ్తే ఆయన ఒప్పుకుంటారా? ఇప్పుడు సోషల్‌ మీడియాలో ఇదే ప్రశ్న నడుస్తోంది. దీనికి సమాధానం నాగ్‌ లేదంటే సమంతనే చెప్పాలి. మరి మామ ఆ పాత్ర చేస్తే బాగుంటుంది అని చెప్పిన సమంత… నాగార్జునను ఆ దిశగా ఒప్పిస్తుందా అనేది చూడాలి.

ఇక ‘ఫ్యామిలీ మ్యాన్‌ 2’ గురించి చూస్తే… ఇందులో సమంత కీలక పాత్రలో కనిపించబోతోంది. వచ్చేనెల నాలుగు నుండి ఈ సిరీస్‌ ప్రసారం కానుంది. అయితే ఆమె పాత్ర విషయంలో కొంతమంది ఆందోళన వ్యక్తం చేస్తున్నారు. ఒక తమిళ అమ్మాయిని తీవ్రవాదిగా ఎలా చూపిస్తారూ అంటూ విరుచుకుపడుతున్నారు. ఈ నేపథ్యంలో సిరీస్‌ను నిషేధించాలని కూడా కోరుతున్నారు. అయితే ఈ సిరీస్‌ కోసం చాలా కష్టపడ్డామని, రిలీజ్‌ అయ్యాక చూసి మాట్లాడాలని దర్శకులు రాజ్ & డీకే కోరుతున్నారు.

Most Recommended Video

10 మంది టాలీవుడ్ సెలబ్రిటీలు మరియు వారి అలవాట్లు..!
టాలీవుడ్లో రూపొందుతున్న 10 సీక్వెల్స్ లిస్ట్..!
ఈ 15 మంది సెలబ్రిటీలు బ్రతికుంటే మరింతగా రాణించే వారేమో..!