టాలీవుడ్ లో టాప్ నాలుగు హీరోల్లో ఒకరైన నాగార్జున, ఇప్పటికీ నవమన్మధుడులా కనిపిస్తాడు అంటే అతిశయోక్తి కాదు. అయితే 50ప్లస్ ఏజ్ లో కూడా నాగ్ నవయువ నాయకుడిగా కనిపిస్తూ ఉండడం నిజంగా అందరినీ ఆశ్చర్య పరుస్తూ ఉంటుంది. అయితే ఊపిరి సినిమా తరువాత నాగ్ తన నెక్స్ట్ సినిమా విషయంలో చాలా గ్యాప్ తీసుకున్నట్లు కనిపిస్తుంది. దానికి కారణం ఏంటి అంటే నాగ్ ప్రస్తుతం తన కెరీర్ కంటే కొడుకుల కెరియర్ ముఖ్యమని భావిస్తున్నట్లుగా కనిపిస్తోంది. ఒకవైపు తన సినిమాలపై దృష్టి పెడుతూ ‘రాజుగారి గది-2’ పని పూర్తి చేయగానే నాగ చైతన్య ‘రారండోయ్ వేడుక చూద్దాం’ మీద దృష్టి పెట్టి మార్పులు చేర్పులు చేయించి చైతన్య కెరియర్ లో ఈమూవీని ఇప్పటికే 35కోట్ల సినిమాగా మార్చాడు. చైతు విషయంలో తాను అనుకున్నది సాధించడంతో ఇప్పుడు నాగ్ తన ఫోకస్ అఖిల్ మూవీ పై పెడుతున్నాడు. ఇప్పటివరకూ చెప్పుకోదగ్గ హాట్ లేని చైతు విషయంలో సక్సెస్ అయిన నాగ్, ఇప్పుడెప్పుడే తన కరియర్ ను మొదలు పెట్టి తనను తాను ప్రూవ్ చేసుకోవాలి అని అనుకుంటున్న అఖిల్ ను సైతం మంచి హీరోగా మార్చాలి అని నాగ్ మాస్టర్ ప్లాన్ వేస్తున్నాడు.
అఖిల్ మొట్టమొదటి సినిమా ఘోర పరాజయం పొందడంతో ఈ చిత్రాన్ని నాగ్ చాలా ప్రతిష్టాత్మకంగా తీసుకున్నాడు. ఏకంగా 40 కోట్లకు పైగా బడ్జెట్‌ తో ఈచిత్రాన్ని నిర్మిస్తున్నాడు నాగ్. దగ్గర ఉండి నిర్మాణ వ్యవహారాలు చూసుకుని అఖిల్ కు ఒక మంచి విజయాన్ని అందించాలి అని నాగ్ భావిస్తున్నట్లు సమాచారం. అందులో భాగంగానే వచ్చే ఏడాది వరకు నాగ్ తన కొత్త సినిమాల వ్యవహారాలను వాయిదా వేసినట్లుగా వార్తలు సైతం వస్తున్నాయి. సినిమా విషయంలో ఎక్కడా కాంప్రమైస్ కావద్దు అని దర్శకుడు విక్రమ కుమార్ కు నాగ్ చెప్పినట్లు, ఎలా ఆయినా ఈ సినిమా హిట్ కావాలి అని నాగ్ ప్రతీ విషయాన్ని నిశితంగా పరిశీలిస్తున్నట్లు సమాచారం. మొత్తంగా చూసుకుంటే నాగ్ తన కుమారుల కరియర్ లో చాలా ఆలోచనలు చేస్తున్నట్లు తెలుస్తుంది. మరి ఈ జాగ్రత్త ఎంతవరకూ కలసి వస్తుందో చూద్దాం.
Also, do SUBSCRIBE to our YouTube channel to get latest Tollywood updates.
