బిగ్ బాస్ తెలుగు సీజన్ 6 శనివారం నాగార్జున హౌస్ మేట్స్ పై రెచ్చిపోయారు. స్టార్టింగ్ హౌస్ మేట్స్ ని పలకరించేటపుడే సీరియస్ గా ఉండటంతో హౌస్ మేట్స్ ముఖాలు మాడిపోయాయి. ఆ తర్వాత 9 మంది పేర్లు చదివి వాళ్లని సోఫా వెనక్కి వెళ్లి నిలబడమని చెప్పాడు. అంతకాదు, వాళ్ల లగేజ్ కూడా ప్యాక్ చేసేమని చెప్పగానే హౌస్ మేట్స్ గుండెల్లో రైళ్లు పరిగెత్తాయి. ఆ తర్వాత సోఫాలో కూర్చున్న 11మందికి కూడా క్లాస్ పీకుతూనే వాళ్ల గేమ్ లో జరిగిన తప్పులని చెప్పాడు.
ఫైమా గేమ్ గురించి, చంటి గేమ్ గురించి క్లాస్ పీకాడు. అలాగే, ఆర్జెసూర్యపై ఇంట్లో చిల్ అవ్వడానికి వచ్చావా అంటూ ఫైర్ అయ్యారు. ఆరోహి, అర్జున్ కళ్యాణ్ కి కూడా గట్టిగా క్లాస్ పడింది. అర్జున్ కళ్యాణ్ ఏదో చెప్పబోతుంటే నువ్వు సోఫాలో ఉంటావా వెనక్కి వెళ్తావా అంటూ కౌంటర్ వేశారు. అంతేకాదు, టాస్క్ లో ఎవరెవరు ఏమేమీ తప్పులు చేశారు అనేది వాళ్లకి అర్ధమయ్యేలా చెప్పారు. ఎపిసోడ్ మొత్తం సీరియస్ గానే హౌస్ మేట్స్ కి క్లాస్ పీకుతూనే ఉన్నాడు కింగ్ నాగార్జున.
సోఫాలో కూర్చున్న 11మందిని వెనుక ఉన్న 8మంది హౌస్ మేట్స్ లో వేస్ట్ ఎవరో చెప్పమని స్టాంప్ వేసి మరీ చెప్తే వాళ్లని ఎలిమినేట్ చేసేస్తానని, ఈవారం డబుల్ ఎలిమినేషన్ ఉంటుందని అనడంతో హౌస్ మేట్స్ ఒక్కసారిగా ఖంగుతిన్నారు. ఇక చేసేది లేక ఒక్కొక్కరు ఒక్కో పార్టిసిపెంట్స్ ని వేస్ట్ అంటూ స్టాంప్స్ వేశారు. ఇందులో శ్రీసత్య, వాసంతీ, ఇంకా షానీకి ఎక్కువగా ఓట్లు వచ్చాయి.
ఆడియన్స్ ఓటింగ్, హౌస్ మేట్స్ ఓటింగ్ ఈక్వల్ అయిన వాళ్లని పంపించేస్తానంటూ షానీ పేరు చెప్పి హౌస్ నుంచీ ఎలిమినేట్ చేసేశాడు నాగార్జున. దీంతో శనివారమే ఒక పార్టిసిపెంట్ ఎలిమినేట్ అయిపోవాల్సి వచ్చింది. గతవారం ఎలిమినేషన్ లేకపోవడం వల్లే ఈవారం డబుల్ ఎలిమినేషన్ పెట్టారు. ఇక షానీతో పాటుగా ఆదివారం ఎపిసోడ్ లో అభినయశ్రీ కూడా ఎలిమినేట్ అయినట్లుగా సమాచారం.
Most Recommended Video
శాకిని డాకిని సినిమా రివ్యూ & రేటింగ్!
నేను మీకు బాగా కావాల్సినవాడిని సినిమా రివ్యూ & రేటింగ్!
‘బిగ్ బాస్ 6’ కంటెస్టెంట్ గీతు రాయల్ గురించి ఆసక్తికర విషయాలు..!
Home