రీరిలీజ్‌ల ట్రెండ్‌ ఫుల్‌ స్వింగ్‌లో నడుస్తోంది. ఆ మధ్య కొన్ని సినిమాలు సరిగ్గా ఆడకపోవడంతో తేడా కొట్టేసింది.. ఇక రీరిలీజ్‌ల నడవవు అని అనుకున్నారంతా. అయితే ‘మురారి’ (Murari) సినిమా రికార్డులు సృష్టించడంతో మరోసారి ఆ ట్రెండ్‌ స్వింగ్‌లోకి వచ్చింది. దీంతో రాబోయే రోజుల్లో పుట్టిన రోజులు ఉన్న హీరోల అభిమానులు రీరిలీజ్‌ల కోసం ఎదురుచూస్తున్నారు. అలా నాగార్జున (Nagarjuna) అభిమానులు కూడా వెయిట్‌ చేస్తున్నారు. ఏ సినిమా వస్తుందా అని అనుకుంటున్నారు.
వారి ఆలోచనలకు, ఎదురుచూపులకు ఫుల్‌స్టాప్‌ పెడుతూ అప్‌డేట్‌ వచ్చేసింది. నాగార్జున – లారెన్స్‌ (Raghava Lawrence) కాంబినేషన్‌లో తెరకెక్కి అదిరిపోయే విజయం అందుకున్న ‘మాస్‌’ (Mass) సినిమాని నాగార్జున పుట్టిన రోజు సందర్భంగా విడుదల చేయనున్నారు. ఆయన బర్త్‌డేకి ఒక రోజు ముందు అంటే ఆగస్టు 28న ఈ సినిమా రీ రిలీజ్‌ చేస్తున్నట్లు చిత్ర బృందం తెలిపింది. 2004లో విడుదలై యాక్షన్‌ ఎంటర్‌టైనర్‌గా ఆదరణ పొందిన సినిమా ‘మాస్‌’. నాగార్జున సొంతంగా నిర్మించిన ఈ సినిమాలో జ్యోతిక (Jyothika) , ఛార్మి (Charmy Kaur) , రఘువరన్‌ (Raghuvaran) , ప్రకాష్‌రాజ్‌ (Prakash Raj) , రాహుల్‌ దేవ్‌ (Rahul Dev) కీలకపాత్రలు పోషించారు.
అప్పట్లో అంత విజయం సాధించిన ఈ సినిమా ఇప్పుడు వచ్చి ఎలాంటి ఫలితం అందుకుంటుందో చూడాలి. నాగార్జున సినిమాల రీరిలీజ్‌ల విషయంలో ఈ సినిమా ట్రెండ్‌ సెట్‌ చేయాలని ఫ్యాన్స్‌ కోరుకుంటున్నారు. ఇక ఈ సినిమా వచ్చి చాలా రోజులు అయింది కదా. ఓసారి కథాంశం చూస్తే.. గణేశ్‌ (నాగార్జున) ఒక అనాధ. అతనికి ఆది (సునీల్) మంచి స్నేహితుడు.
ఓ రోజు అనుకోకుండా వైజాగ్ మాఫియా డాన్ సత్య(రఘువరన్‌) కుమార్తె అంజలి (జ్యోతిక)ని చూసిన గణేశ్‌ ప్రేమలో పడతాడు. ఆమె కూడా గణేశ్‌ ప్రేమలో పడుతుంది. ఇద్దరు పెళ్లి కూడా చేసుకోవాలనుకుంటారు. ఈ విషయం తెలిసి అంజలిని తీసుకెళ్లే క్రమంలో ఆదిని హత్య చేస్తారు. తన ప్రాణ స్నేహితుడుని చంపిన వారిని.. గణేశ్‌ ఎలా చంపాడు. తన ప్రేమను ఎలా సాధించుకున్నాడు అనేది సినిమా (Mass) కథ. ఈ క్రమంలో వచ్చే ఛాలెంజ్‌లు, వార్నింగ్‌లు, ఛేజింగ్‌లు.. భలే ఉంటాయి.
Home