నాగార్జున మన సినిమా ఇండస్ట్రీకి ఎప్పటికీ నవ మన్మధుడే. కానీ ఆయనకి ఇంకో పేరుంది అదే “పర్ఫెక్ట్ బిజినెస్ మ్యాన్”. హా ఏముంది చాలా బిజినెస్ లు ఉన్నాయి, రాజకీయ నాయకులతోనూ సత్సంబంధాలు మైంటైన్ చేస్తాడు కాబట్టి అలా అంటారు అనుకొంటున్నారేమో. అది కూడా ఒక రీజన్ అయినప్పటికీ.. ఇంకో రీజన్ కూడా ఉంది. అదేంటంటే.. నాగార్జున మహా జాగ్రత్తపరుడు. తాను నటించిన సినిమా విడుదల సమయంలో.. ఆ ప్రోడక్ట్ గనుక తనకు నచ్చలేదు లేదా సాటిస్ఫేక్టరీగా లేదు అనుకొంటే.. నిర్మొహమాటంగా చెప్పేయడమే కాదు.. అందుకు దర్శకుడు లేదా నిర్మాతను దోషిని చేసేసి తాను పక్కకి తప్పుకొంటాడు నాగార్జున. “భాయ్, దేవదాసు, రాజుగారి గది 2” సినిమాల విషయంలోనే అందరికీ ఆ కారిటీ వచ్చింది. ఇప్పుడు ఈ “మన్మధుడు 2” విషయంలో మరోసారి ప్రూవ్ అయ్యింది.
నాగార్జున కథానాయకుడిగా తెరకెక్కుతున్న “మన్మధుడు 2” ఆగస్ట్ 9న విడుదలవుతున్న విషయం తెలిసిందే. అందరూ “మన్మధుడు”కి సీక్వెల్ గా రూపొందుతుంది అనుకొన్న ఈ చిత్రం టీజర్ విడుదల అనంతరం “వాట్ ఉమెన్ వాంట్” అనే హాలీవుడ్ సినిమాకి సీక్వెల్ అని తెలిసిపోయింది. ఈ విషయంలో చాలా పెద్ద ఇష్యూ అయిపోతుంది అనుకొన్నారందరు. కట్ చేస్తే.. ఆ సినిమా తెలుగు రీమేక్ రైట్స్ ను నాగార్జున ఆల్రెడీ కొనేసి పెట్టుకొన్నాడట. అంటే.. ఒకవేళ టీజర్, ట్రైలర్ విడుదల తేదీ తర్వాత కాకపోయినా సినిమా రిలీజ్ తర్వాతైనా ఇలాంటి ఇష్యూస్ వస్తాయని ముందే ఊహించిన నాగార్జున ఆ సినిమా రైట్స్ కొనేశాడు. అందుకే అంటారు నాగార్జునను పర్ఫెక్ట్ బిజినెస్ మ్యాన్ అని.
