ప్రముఖ బాలీవుడ్ నటుడు నానా పటేకర్ నటన ఏ రేంజ్లో ఉంటుందనేది ప్రత్యేకంగా చెప్పక్కర్లేదు. క్యారెక్టర్ ఎలాంటిది అయినా తన నటనతో నెక్స్ట్ లెవల్ కు తీసుకువెళ్తాడనడంలో సందేహం లేదు. అంత గొప్ప నటుడు నానా పాటేకర్. ఇటీవల ‘కాలా’ చిత్రంలో ప్రతినాయకుడి పాత్రలో నటించి మెప్పించారు.ఇదిలా ఉండగా త్వరలోనే ఓ తెలుగు చిత్రంలో నటించడానికి రెడీ అవుతున్నాడంట నానా పటేకర్. అది కూడా ఓ స్టార్ డైరెక్టర్, ఓ స్టార్ హీరో చిత్రంలో…! ఇంతకీ ఆ స్టార్ హీరో, డైరెక్టర్ ఎవరనే గా మీ డౌట్..?
వివరాల్లోకి వెళితే… త్రివిక్రమ్ – అల్లు అర్జున్ కాంబినేషన్లో రూపొందుతున్న చిత్రంలో ఓ కీలకమైన పాత్ర ఉందట, ఆ పాత్రలో నానా పటేకర్ ను తీసుకోవాలని దర్శక నిర్మాతలు భావిస్తున్నట్టు తెలుస్తుంది. తండ్రి కొడుకుల మధ్య సాగే హై ఎమోషనల్ డ్రామాగా ఈ చిత్రం తెరకెక్కబోతుందట. గతంలో బన్ని- త్రివిక్రమ్ కాంబినేషన్లో వచ్చిన ‘సన్నాఫ్ సత్యమూర్తి’ కథ కూడా తండ్రి కొడుకుల మధ్య సాగే కథే. అయితే అందులో చనిపోయిన ఫాదర్ ఎమోషన్ చుట్టూ ఆ కథ సాగుతుంది. ఇప్పుడు చెయ్యబోయే చిత్రం మాత్రం తండ్రి కొడుకులు మధ్య వచ్చే ఎమోషన్సే ప్రధానాంశంగానే సినిమా ఉండబోతుందట. ఈ చిత్రాన్ని ‘గీతా ఆర్ట్స్’ ,’హారిక హాసిని క్రియేషన్స్’ కలిసి నిర్మిస్తున్న ఈ చిత్రాన్ని ఏప్రిల్ నుండీ సెట్స్ పైకి తీసుకెళ్ళబోతున్నారు.
