మోక్షజ్ఞ వెండితెర ప్రవేశానికి అదే అడ్డు

నటసింహ నందమూరి బాలకృష్ణ తనయుడు మోక్షజ్ఞ ఈ సంవత్సరం వెండి తెరపై ఎంట్రీ ఇవ్వాలి. మోక్షజ్ఞ తొలిచిత్రాన్ని వారాహి చలచిత్ర బ్యానర్లో సాయి కొర్రపాటి నిర్మించడానికి రెడీగా ఉన్నారు. ఈ చిత్రానికి ఫిలిం ఛాంబర్ లో “రానే వచ్చాడయ్యా .. ఆ రామయ్య” అనే పేరును కూడా రిజిస్టర్ చేయించినట్లు తెలిసింది. అన్ని సిద్ధంగా ఉన్నప్పటికీ మోక్షజ్ఞ సినీ రంగ ప్రవేశం ఆలస్యం అయ్యేట్టు ఉందని ఫిలిం నగర్ వాసులు చెప్పారు. అందుకు ప్రధాన కారణం అతనే బరువే అని చెబుతున్నారు. మోక్షజ్ఞ హీరోల ఫిజిక్ కంటే పదికిలోల పైనే ఉన్నట్టు సమాచారం.

అతను తరచుగా ఫిల్మ్ నగర్ ప్రాంతంలోనే ఓ కేఫ్ లో మిత్రులతో కనిపిస్తున్నాడని తెలుస్తోంది. అతన్ని చూసినవారు.. ఇలాగైతే కష్టమే అంటూ పెదవి విరుస్తున్నారు. క్రిష్ కూడా మోక్షజ్ఞకి మంచి ఆఫర్ ఇచ్చారంట. మూడు నెలల్లో బరువు తగ్గూ ఎన్టీఆర్ బయోపిక్ లో యువ ఎన్టీఆర్ గా వెండితెరపై ఎంట్రీ ఇద్దువు అని సలహా కూడా ఇచ్చారని తెలిసింది. మరి తాత బయోపిక్ కోసం బరువు తగ్గుతాడా ? లేకుంటే లైట్ తీసుకుంటారా? అనేది కొన్ని రోజుల్లోనే తెలియనుంది. ఇది ఒకే అయితే .. హీరోగా సినిమాకూడా వేగంగానే రానే వస్తుంది.