తెలుగు చిత్ర పరిశ్రమ ఉన్నంతవరకు నిలిచి పోయే పేరు సావిత్రి. ఈ మహానటి జీవితం ఆధారంగా ప్రస్తుతం సినిమా రూపుదిద్దుకుంటోంది. ఎవడే సుబ్రహ్మణ్యం సినిమాతో దర్శకుడిగా పరిచయమైన నాగ్ అశ్విన్ సావిత్రి నిజ జీవిత కథను వెండితెరపై ఆవిష్కరిస్తున్నారు. “మహానటి” అనే టైటిల్ ఖరారు చేసిన ఈ మూవీ షూటింగ్ వేగంగా సాగుతోంది. వైజయంతి మూవీస్ పతాకంపై నిర్మితమవుతున్న ఈ సినిమాలో కీర్తి సురేష్ సావిత్రి గా నటిస్తోంది. సమంత జమునగా కనిపించనుంది. ఇలా అలనాటి నటులు, దర్శకుల పాత్రల్లో విజయ్ దేవరకొండ, దుల్కర్ సల్మాన్, మోహన్ బాబు, క్రిష్ తదితరులు నటిస్తున్నారు.
ఇక మహానటులు ఎన్టీఆర్, ఏఎన్నార్‌ రోల్స్ ఎవరు చేస్తారా? అనే విషయంపై గత కొన్ని రోజులుగా చర్చలు జరిగాయి. చివరికి ఎన్టీఆర్ గా నానిని ఫిక్స్ చేసినట్లు తెలిసింది. అలాగే ఏఎన్నార్‌ గా నాగచైతన్య కనిపించనున్నట్లు సమాచారం. వీరు నటించే సీన్లు త్వరలో తెరకెక్కించనున్నారు. ప్రస్తుతం నాని కృష్ణార్జున యుద్ధం, నాగ చైతన్య.. “శైల‌జా రెడ్డి అల్లుడు” సినిమా షూటింగ్ లో బిజీగా ఉన్నారు. ఈ చిత్రాల షెడ్యూల్ గ్యాప్ లో సావిత్రి బయోపిక్ సినిమా కోసం మేకప్ వేసుకోనున్నారు. దీంతో టాకీ పార్టీ పూర్తి అయిపోయినట్లే. ఏకకాలంలో తెలుగు, తమిళ భాషల్లో తెరకెక్కుతోన్న ఈ సినిమా మర్చి 29 న రిలీజ్ కానుంది.
