అభంశుభం తెలియని ఆరు సంవత్సరాల చిన్నారి అత్యాచారం, హత్య కేసులో నిందితుడు అయిన రాజును పట్టించిన వారికి 10 లక్షల రూపాయల రివార్డ్ ఇస్తామని సీపీ అంజనీ కుమార్ వెల్లడించిన సంగతి తెలిసిందే. రాజును కఠినంగా శిక్షించాలని సెలబ్రిటీలు సైతం కోరుతున్నారు. మహేష్ బాబు, మంచు మనోజ్ సోషల్ మీడియా వేదికగా నిందితుడికి శిక్ష పడాలని కోరారు. రాజును ఉరి తీయాలనే డిమాండ్ సైతం నెటిజన్ల నుంచి వ్యక్తమవుతోంది. న్యాచురల్ స్టార్ నాని తాజాగా తెలంగాణ పోలీసులు చేసిన ట్వీట్ ను షేర్ చేస్తూ ఈ ఘటన గురించి రియాక్ట్ అయ్యారు.
నిందితుడు బయటెక్కడో ఉన్నాడని ఉండకూడదని నాని షాకింగ్ ట్వీట్ చేశారు. నాని చేసిన ట్వీట్ నెట్టింట తెగ వైరల్ అవుతోంది. పరారీలో ఉన్న నిందితుడిని పట్టుకోవడానికి పోలీసులు ఏకంగా 70 టీమ్స్ ను ఏర్పాటు చేశారని తెలుస్తోంది. నిందితుడు సెల్ ఫోన్ వినియోగించకపోవడం వల్ల అతనిని పట్టుకోవడం పోలీసులకు కష్టంగా మారింది. రాజు నిర్మానుష్య ప్రాంతంలో తల దాచుకుని ఉండవచ్చని పోలీసులు భావిస్తున్నారు. ఘటన తర్వాత రాజు కాంట్రాక్టర్ ను కలిసి తనకు రావాల్సిన 1800 రూపాయల వేతనం తీసుకున్నాడని సమాచారం.
కాంట్రాక్టర్ తో రాజు ఊరికి వెళుతున్నానని చెప్పినట్టు తెలుస్తోంది. లేబర్ అడ్డాలు, మద్యం దుకాణాలు, కల్లు దుకాణాలలో పోలీసులు గాలింపు చర్యలు చేపడుతున్నారు. అతి త్వరలో నిందితుడు దొరికే అవకాశం ఉందని పోలీసులు భావిస్తున్నారు. నిందితుడిని పట్టుకోవడం కోసం వెయ్యి మంది పోలీసులు రంగంలోకి దిగారని తెలుస్తోంది.
బయటెక్కడో ఉన్నాడు
వుండకుడదు https://t.co/yyiuvM6HP1— Nani (@NameisNani) September 15, 2021
Most Recommended Video
టక్ జగదీష్ సినిమా రివ్యూ & రేటింగ్!
సీటీమార్ సినిమా రివ్యూ & రేటింగ్!
తలైవి సినిమా రివ్యూ & రేటింగ్!
Home
