సాధారణంగా ఆరు నెలలపాటు కలిసి ఉంటే వారు వీరు, వీరు వారు అవుతారంటారు. ఆ తరహా కథాంశంతోనే తెరకెక్కుతున్న చిత్రం “@నర్తనశాల”. నాగశౌర్య కథానాయకుడిగా యామినీ భాస్కర్, కాష్మీరా హీరోయిన్లుగా నటిస్తున్న ఈ చిత్రానికి శ్రీనివాస్ చక్రవర్తి దర్శకుడు. ఈ చిత్రం టీజర్ ను ఇవాళ విడుదల చేశారు. చిన్నప్పట్నుంచి అమ్మాయిల మధ్య పెరిగి అమ్మాయిలాగే బిహేవ్ చేస్తున్న అబ్బాయిగా నాగశౌర్య కనిపిస్తున్నాడు. శివాజీ రాజా తండ్రి పాత్రలో నటిస్తున్న ఈ చిత్రం టీజర్ చూస్తుంటే.. సినిమా మొత్తం కామెడీ ప్రధానంగా సాగుతుందని అర్ధమవుతుంది.
చివర్లో శౌర్యను “నా కొడుకు గే?” అని శివాజీరాజా అనడం ఆడియన్స్ కు షాక్ ఇచ్చింది. ఈ తరహా పాత్రను మన హీరోలు పోషించడం కొత్త కాకపోయినా.. సూపర్ క్రేజ్ ఉన్న శౌర్య లాంటి యువ కథానాయకుడు పోషించడం అనేది టాక్ ఆఫ్ ది టౌన్ గా మారనుంది. ఆగస్ట్ 31న విడుదలకానున్న ఈ చిత్రం అన్నీ వర్గాల ప్రేక్షకులను ఆకట్టుకొని “ఛలో” తరహాలో మరో మంచి హిట్ అవుతుందని భావిస్తున్నారు సినీ విశ్లేషకులు. మరి శౌర్య ఈ సినిమాలో నిజంగానే “గే”నా లేక సినిమాలోని ఏదైనా ఒక సన్నివేశం కోసం అలా నటిస్తాడా అనే విషయంలో క్లారిటీ రావాలంటే.. సినిమా రిలీజ్ వరకూ వేచి చూడాల్సిందే.
Home