నవీన్ పొలిశెట్టి… సినిమాల్లోకి రావడానికి, వచ్చాక హీరో అవ్వడానికి ఎన్ని కష్టాలు పడ్డాడో అందరికీ తెలుసు. ‘జాతిరత్నాలు’ సినిమా ప్రచారంలో నవీన్ చాలా విషయంలో చెప్పాడు కూడా. అయితే ఇప్పుడు ఆ కష్టాలను మించిన నవ్వుల్ని పంచుతున్నాడు. కారణం ఆయనకు అంతకుమించిన ప్రేమను అభిమానులు చూపిస్తున్నారు కాబట్టి. ఆయన కూడా అదే స్థాయిలో ప్రేమను పంచుతున్నాడు. దీనికి ఇటీవల విజయవాడలో జరిగిన ఓ సంఘటనే నిదర్శనం. యూత్‌లో ప్రస్తుతం క్రేజ్‌ ఉన్న హీరోల్లో నవీన్ పొలిశెట్టి ఒకడు. తన కొత్త చిత్రం ‘మిస్‌ శెట్టి మిస్టర్‌ పొలిశెట్టి’ ప్రచారాన్ని ఆయనొక్కడే మోస్తున్నాడు.
సినిమా విడుదలకు సిద్ధమవుతున్న నేపథ్యంలో తెలుగు రాష్ట్రాల్లో తిరుగుతూ ప్రచారం చేస్తున్నాడు. తాజాగా ఆయన ఆంధ్రప్రదేశ్‌లోని వివిధ నగరాలను సందర్శిస్తున్నాడు. అక్కడి మాల్స్‌, కాలేజ్‌లకు వెళ్లి అభిమానులను కలుసుకుని ముచ్చటిస్తున్నాడు. ఆ క్రమంలో విజయవాడ, గుంటూరులో ఆదివారం పర్యటించాడు. ‘మిస్‌ శెట్టి మిస్టర్‌ పొలిశెట్టి’ ప్రచారం కోసం ఇప్పటివరకు చేసిన టూర్లలో విజయవాడ టూర్‌ బాగా నచ్చిందని చెప్పాడు.
దాంతో పాటు అక్కడ ఫ్యాన్స్‌ మధ్య చేసిన సందడికి సంబంధించిన ఓ వీడియోను షేర్‌ చేశాడు. ప్రస్తుతం ఆ వీడియో సోషల్‌ మీడియాలో వైరల్‌గా మారింది. అక్కడకు వచ్చిన తన అభిమానికి నవీన్ తన స్వహస్తాలతో కుండ బిర్యానీని తినిపించడమే. విజయవాడలోని ఈట్‌ స్ట్రీట్‌లో కారుపై కూర్చొని కాసేపు అభిమానుల మధ్య తిరిగాడు నవీన్. ఈ సందర్భంగా ఆయన బిర్యానీ తింటుండగా చాలామంది అభిమానులు ఆయనతో ఫొటోలు దిగేందుకు ఆసక్తి చూపించారు.
అయితే అక్కడున్న వారిని తోసుకుంటూ ముందుకొచ్చిన ఓ అభిమానికి (Naveen Polishetty) నవీన్ తాను తింటున్న బిర్యానీ రుచి చూపించారు అనంతరం, బిర్యానీతో కూడిన కుండను ఆయన చేతికందించాడు. ఇప్పుడు ఆ వీడియో సోషల్‌ మీడియాలో వైరల్‌గా మారింది. పి.మహేశ్‌బాబు దర్శకత్వం వహించిన ‘మిస్‌ శెట్టి మిస్టర్‌ పొలిశెట్టి’ సినిమాలో నవీన్ సరసన అనుష్క శెట్టి నటించింది. ఈ సినిమా సెప్టెంబరు 7న తెలుగుతోపాటు తమిళ, కన్నడ, మలయాళ భాషల్లో విడుదలవుతుంది.
మిడ్ రేంజ్ హీరోలు చేసిన ఈ 10 యాక్షన్ సినిమాలు భారీ నష్టాలు మిగిల్చాయని మీకు తెలుసా?
మెహర్ రమేష్ తో పాటు పెద్ద హీరోలు ఛాన్సులు ఇచ్చినా హిట్లివ్వలేకపోయిన డైరెక్టర్ల లిస్ట్.!
రామ్ నీ బాలయ్య ఏమని తిట్టాడో తెలిస్తే షాక్ అవుతారు..!
