నవీన్ పోలిశెట్టి… ఈ పేరు వినగానే మనకి ‘ఏజెంట్ సాయి శ్రీనివాస్’ సినిమా గుర్తొస్తుంది. ఆ చిత్రంలో అతనికి ఎనర్జిటిక్ పెర్ఫార్మెన్స్ ప్రేక్షకుల్ని ఎంతో ఆకట్టుకుంది. ఏమాత్రం అంచనాలు లేకుండా విడుదలైన ఈ చిత్రం నాలుగు రెట్లు లాభాలను రాబట్టి బ్లాక్ బస్టర్ గా నిలిచింది. అయితే ఈ చిత్రానికి ముందే నవీన్ పోలిశెట్టి ‘లైఫ్ ఈజ్ బ్యూటిఫుల్’ మరియు ‘డి ఫర్ దోపిడి’, మహేష్ – సుకుమార్ ల ‘1 నేనొక్కడినే’ వంటి చిత్రాల్లో కూడా నటించాడు.
మరోపక్క బాలీవుడ్ లో కూడా ‘చిచోరే’ వంటి చిత్రం చేసి అక్కడ కూడా మంచి గుర్తింపు తెచ్చుకున్నాడు. అయితే గత కొద్ది రోజులుగా నవీన్ … నందమూరి బాలకృష్ణ -బోయపాటి కాంబినేషన్లో రూపొందుతోన్న చిత్రంలో నవీన్ ఓ కీలక పాత్ర పోషిస్తున్నట్టు వార్తలు వస్తున్నాయి. అయితే ఆ వార్తల పై తాజాగా నవీన్ క్లారిటీ ఇచ్చాడు. ఆయన మాట్లాడుతూ…”బాలకృష్ణ – బోయపాటి సినిమాకి సంబంధించి ఇంతవరకూ నన్ను ఎవరూ సంప్రదించలేదు.
ఈ సినిమాలో నేను నటిస్తున్నాను అంటూ వస్తున్న వార్తల్లో ఎంతమాత్రం నిజం లేదు. అదంతా కేవలం పుకారు మాత్రమే” అంటూ చెప్పుకొచ్చాడు నవీన్ పోలిశెట్టి.ప్రస్తుతం నవీన్ ‘జాతి రత్నాలు’ అనే చిత్రంలో నటిస్తున్నాడు. అనుదీప్ కె.వి డైరెక్ట్ చేస్తున్న ఈ చిత్రాన్ని ‘మహానటి’ డైరెక్టర్ నాగ్ అశ్విన్ నిర్మిస్తున్నాడు. లాక్ డౌన్ పూర్తయిన వెంటనే ఈ చిత్రం విడుదల కానుంది.
Most Recommended Video
‘బాహుబలి’ ని ముందుగా ప్రభాస్ కోసం అనుకోలేదట…!
పోకిరి స్టోరీకి మహేష్ చెప్పిన చేంజెస్ అవే..!
హీరోయిన్స్ గా ఎదిగిన హీరోయిన్స్ కూతుళ్లు వీరే..!
