మొత్తానికి నయన తార బయటపడిపోయిందండోయ్..!

సౌత్ లో ఇప్పుడు లేడీ సూపర్ స్టార్ రేంజ్ ను అనుభవిస్తుంది నయన తార. తమిళ్ తో పాటు తెలుగులో కూడా నయన్ కు మంచి ఫ్యాన్ ఫాలోయింగ్ ఉంది. కెరీర్ ప్రారంభంలో ఓ రేంజ్ గ్లామర్ షో చేసి స్టార్ హీరోల సినిమాల్లో అవకాశాలు దక్కించుకుంటూ వచ్చిన నయన్… కొత్త భామలు పోటీ ఎక్కువవుతుంది అని ముందే పసిగట్టింది. అందుకే ‘రాజా రాణి’ నుండీ కథా ప్రాధాన్యత ఉండే చిత్రాల్లోనే నటిస్తూ.. తన క్రేజ్ ను డబుల్ చేసుకుంది.అప్పటి నుండీ నయన తార కూడా స్టార్ హీరోల రేంజ్లోనే రాణిస్తూ వస్తుంది. ఈమె ఇప్పుడు ఒక్కో సినిమాకు 6 నుండీ 8 కోట్ల వరకూ పారితోషికం అందుకుంటుంది.

హీరోయిన్ ఓరియెంటెడ్ సినిమా చేసినా స్టార్ హీరోల సినిమాల్లో నటించినా.. నయన్ కు తిరుగులేదు.. అనే నమ్మకం ప్రేక్షకుల్లో ఏర్పడింది. అయితే నయన్ సినిమా ప్రమోషన్లకు, మీడియా ఇంటర్వ్యూలకు దూరంగా ఉంటూ వస్తుంది అన్న సంగతి ప్రత్యేకంగా చెప్పనవసరం లేదు. ఒక్క ‘కర్తవ్యం’ సినిమా ప్రమోషన్లకు మాత్రమే నయన్ హాజరయ్యింది. ఓ ఇంటర్వ్యూలో ఈ విషయం పై స్పందించి తన మనసులో మాటని బయట పెట్టింది నయన్. ఆమె మాట్లాడుతూ..

“నేను ఏమనుకుంటున్నాను.. ఏం చేస్తున్నాను.. ఏం చేయాలనుకుంటున్నాను అనే విషయాల్ని ప్రపంచానికి తెలియజేయాలి అని నేను అస్సలు అనుకోను. ముఖ్యంగా నా పర్సనల్ లైఫ్ కు సంబంధించి మీడియాతో డిస్కస్ చెయ్యడం నాకు నచ్చదు. నేను ప్రైవసి కోరుకుంటాను. సినిమాల గురించి మాత్రమే నేను మాట్లాడతాను. నా పర్సనల్ లైఫ్ గురించి మాత్రం నేను స్పందించడానికి ఇష్టపడను” అంటూ చెప్పుకొచ్చింది నయన్.

Most Recommended Video

15 డైరెక్టర్స్ కెరీర్ ను ఇబ్బందిలో పడేసిన సినిమాలు ఇవే!
కులాంతర వివాహాలు చేసుకొని ఆదర్శంగా నిలిచిన మన హీరోలు!
హీరోయిన్స్ కంటే ముందు బాలనటిగా అలరించిన తారల!