ఇప్పటివరకు దక్షిణాది చిత్రాల్లో నటించి లేడీ సూపర్ స్టార్ గా పేరు సంపాదించుకుంది నయనతార. సౌత్ లో ఏ హీరోయిన్ కి ఇవ్వనంత రెమ్యునరేషన్ నయన్ కి ఇస్తుంటారు దర్శకనిర్మాతలు. ఈ మధ్యకాలంలో ఎక్కువగా లేడీ ఓరియెంటెడ్ సినిమాల్లోనే కనిపిస్తోంది నయన్. అయితే మంచి అవకాశమైతే కమర్షియల్ సినిమాల్లో కూడా నటిస్తోంది. రీసెంట్ గా రజినీకాంత్ తో కలిసి ‘అన్నాత్తే’ సినిమా షూటింగ్ ను పూర్తి చేసింది నయన్. ఇదిలా ఉండగా..
ఇప్పుడు ఈ బ్యూటీకి ఓ క్రేజీ ఛాన్స్ వచ్చినట్లు సమాచారం. బాలీవుడ్ బాద్ షా షారుఖ్ ఖాన్ హీరోగా దర్శకుడు అట్లీ ఓ సినిమాను తెరకెక్కించబోతున్నారని చాలా రోజులుగా వార్తలొస్తున్నాయి. ఇటీవల అట్లీ చెప్పిన ఫైనల్ కథకు షారుఖ్ గ్రీన్ సిగ్నల్ ఇచ్చారని సమాచారం. దీంతో సినిమాలో ఇతర తారాగణం ఎంపికపై ఫోకస్ పెట్టారట. ఇందులో భాగంగా తన దర్శకత్వంలో వచ్చిన ‘రాజారాణి’, ‘బిగిల్’ చిత్రాల్లో హీరోయిన్ గా నటించిన నయన్ ను షారుఖ్ సరసన హీరోయిన్ గా తీసుకోవాలని ప్లాన్ చేస్తున్నాడట అట్లీ.
ఇప్పటికే నయనతారతో సంప్రదింపులు మొదలుపెట్టారని టాక్ వినిపిస్తోంది. అయితే పదిహేనేళ్లుగా సౌత్ లో స్టార్ హీరోయిన్ గా రాణిస్తున్న నయన్ ఇప్పటివరకు హిందీ సినిమాలు చేయలేదు. మరి షారుఖ్ తో సినిమాకి గ్రీన్ సిగ్నల్ ఇస్తుందో లేదో చూడాలి!
Most Recommended Video
తన 19 ఏళ్ళ కెరీర్ లో నితిన్ రిజెక్ట్ చేసిన సినిమాల లిస్ట్..!
వింటేజ్ ఫిల్మ్ ఫేర్ కవర్స్ పై మన తారలు!
టాలీవుడ్లో రీమేక్ అయిన ఈ 9 సినిమాలు..తమిళంలో విజయ్ నటించినవే..!
Home
