కోలీవుడ్ డైరెక్టర్స్ అంటే మన హీరోలకు చాలా అభిమానం. ఇది ఇప్పటి విషయం కాదు. బాలచందర్, భారతీరాజా టైం నుంచి మన హీరోలు తమిళ దర్శకులతో కలిసి పని చేయడానికి ఆసక్తి చూపేవారు. అలా చాలా సినిమాలే వచ్చాయి. అయితే ఆ తరువాత మాత్రం సినిమాలు తగ్గాయి. మళ్లీ ఈ మధ్యకాలంలో తెలుగు హీరోలు తమిళ దర్శకులతో కలిసి సినిమాలు చేస్తున్నారు. కానీ ఏవీ కూడా పెద్దగా వర్కవుట్ కావడం లేదు.
సూపర్ స్టార్ మహేష్ బాబు, మురుగదాస్ చేసిన ‘స్పైడర్’ డిజాస్టర్ అయింది. విజయ్ దేవరకొండ ‘నోటా’ కూడా వర్కవుట్ కాలేదు. రీసెంట్ గా వచ్చిన రామ్ ‘ది వారియర్’ సినిమాకి కూడా నెగెటివ్ టాక్ వచ్చింది. ఇలా వరుసగా తెలుగు హీరోలకు ప్లాప్స్ ఇస్తున్నారు తమిళ దర్శకులు. ఈ క్రమంలో ఇప్పుడు అందరి దృష్టి శంకర్ పై పడింది. రామ్ చరణ్ హీరోగా ఆయనొక సినిమా చేస్తోన్న సంగతి తెలిసిందే. దీనికి ‘అధికారి’, ‘సిటిజెన్’ లాంటి టైటిల్స్ ను పరిశీలిస్తున్నారు.
ఇదిలా ఉండగా.. ఈ సినిమా విషయంలో మెగా ఫ్యాన్స్ టెన్షన్ పడుతున్నారు. అసలే గత కొన్నేళ్లుగా శంకర్ ట్రాక్ రికార్డ్ అంత బాలేదు. ఇప్పుడేమో ఈ నెగెటివ్ సెంటిమెంట్ ఒకటి తోడవ్వడంతో మెగాభిమానుల్లో ఒకరకమైన భయం క్రియేట్ అయింది. అయితే నిర్మాత దిల్ రాజు మాత్రం ఈ సినిమాపై చాలా నమ్మకాలు పెట్టుకున్నారు. దాదాపు రెండొందల కోట్ల బడ్జెట్ తో ఈ సినిమాను నిర్మిస్తున్నారు.
రామ్ చరణ్ కూడా ఈ సినిమా విషయంలో చాలా కాన్ఫిడెంట్ గా కనిపిస్తున్నారు. ఇప్పటికే సగానికి పైగా షూటింగ్ పూర్తయింది. మరి శంకర్ ఈ సినిమాతో హిట్ కొట్టి తమిళ దర్శకుల ప్లాప్ ట్రెండ్ ను బ్రేక్ చేస్తారేమో చూడాలి. వచ్చే ఏడాది సంక్రాంతికి ఈ సినిమా రిలీజ్ కానుంది!
Most Recommended Video
రెండో సినిమా సెంటిమెంట్ నుండి తప్పించుకోలేకపోయిన టాలెంటెడ్ డైరెక్టర్ల లిస్ట్…!
హీరో తెలుగు – డైరెక్టర్ తమిళ్, డైరెక్టర్ తమిళ్- హీరో తెలుగు..వంటి కాంబోల్లో రాబోతున్న 11 సినిమాలు..!
ఐ.ఎం.డి.బి వారి లెక్కల ప్రకారం ఈ ఏడాది ప్రధార్థంలో టాప్ 10 మూవీస్ లిస్ట్..!
