సాయిధరమ్ తేజ్ హీరోగా “పటాస్” ఫేం అనిల్ రావిపూడి దర్శకత్వంలో తెరకెక్కుతున్న చిత్రం “సుప్రీమ్”. దిల్ రాజు సమర్పణలో ఆయన తమ్ముడు శిరీష్ నిర్మిస్తున్న ఈ చిత్రం మే 5న విడుదల కానుంది. సాయి సరసన రాశీఖన్నా కథానాయికగా నటిస్తున్న ఈ చిత్రం యాక్షన్ కామెడీ ఎంటర్ టైనర్ గా తెరకెక్కింది.
సినిమా ఆడియో ఓ మోస్తరుగా ఆకట్టుకొన్నప్పటికీ.. ట్రైలర్ మరియు సాంగ్ ప్రోమోస్ మాత్రం అంతగా ఆకట్టుకోలేకపోయాయి. సినిమా విడుదల తేది దగ్గరపడుతున్నా.. ఇప్పటివరకూ ప్రమోషన్స్ కూడా ఊపందుకోకపోవడం, హీరోను పక్కనపెట్టి హీరోయిన్ మరియు ఐటెం సాంగ్ ప్రోమోస్ ను టివి యాడ్లుగా ప్లే చేస్తుండడం అనుమానాలకు తావిస్తోంది. దాంతో.. సినిమా బాలేదన్న నెగిటివ్ టాక్ వ్యాపిస్తోంది.
మరి.. సినిమా అసలు సంగతేంటో తెలియాలంటే గురువారం వరకూ ఆగాల్సిందే!
