Neha Chowdary: వాళ్ళ టార్చర్ భరించలేకపోయేదాన్ని.. ‘బిగ్ బాస్ 6’ కంటెస్టెంట్ నేహా షాకింగ్ కామెంట్స్..!

‘బిగ్ బాస్ 6’ ఆదివారం నాడు గ్రాండ్ గా స్టార్ట్ అయ్యింది. ఈసారి ఏకంగా 21 మంది కంటెస్టెంట్లు హౌస్ లోకి అడుగుపెట్టారు. ఈసారి కూడా హౌస్లో గ్లామర్ కు కొరత లేదు. ఎందుకంటే ఈసారి హౌస్లోకి ఎంట్రీ ఇచ్చిన 21 మంది కంటెస్టెంట్ లలో 11 మంది అమ్మాయిలే ఉన్నారు. వీళ్ళలో నేహా చౌదరి ఒకరు. ఈమె తెలియని వారంటూ పెద్దగా ఉండరు అనే చెప్పాలి. ఎందుకంటే చాలా కాలంగా ఈమె యాంకర్ గా కొనసాగుతుంది.

ఫోక్ సాంగ్స్ కి డ్యాన్స్ చేస్తూ మరోపక్క యాంకర్ గా కొనసాగేది. తిరుపతికి చెందిన ఈమె సాధారణ మధ్యతరగతి కుటుంబంలో పుట్టిన యువతి. చదువు పూర్తయ్యాక కొన్నాళ్ళు ఉద్యోగం చేసిన నేహా… మహా న్యూస్, ఎన్ టీవీ, వనిత టీవీ, హెచ్ ఎం టీవీ, స్టార్ మ్యూజిక్ ఛానల్స్ లో పని చేసింది. ఐపీఎల్ ప్రేక్షకులకు ఈమె బాగా తెలుసు అనే చెప్పాలి.ఇదిలా ఉండగా.. ఈమె బిగ్ బాస్ కు వెళ్లే ముందు ఓ ఛానల్ కు ఇంటర్వ్యూ ఇచ్చింది.

అందులో భాగంగా ఈమె కొన్ని ఎమోషనల్ కామెంట్స్ చేసింది. నేహా మాట్లాడుతూ.. “నేను చాలా చిన్న వయసులోనే చాలా ఫాస్ట్‌గా జిమ్నాస్టిక్స్‌ నేర్చుకున్నా. సీనియర్స్‌తో కూడా పోటీ పడేదాన్ని. నా కోచ్‌ కూడా ప్రాక్టీస్‌ చేయించేప్పుడు నా సీనియర్స్‌తో చేయించేవారు.చదువు కునే రోజుల్లో నా సీనియర్‌ ఓ అమ్మాయి ర్యాగింగ్‌ పేరుతో నన్ను ఘోరంగా టార్చర్‌ చేసేది. ఆమెతో పాటు ఇంకొంత మంది నన్ను దారుణంగా టార్చర్‌ చేసేవాళ్లు.

నేను పడుకుని ఉంటే గట్టిగా గిచ్చి పారిపోయవారు. లేచి చూస్తే ఎవరూ కనబడే వాళ్ళు కాదు.ఎక్కడో దాక్కుని నవ్వుతూ ఉండేవారు. ఏదైనా ఈవెంట్‌ కోసం ట్రావెలింగ్‌ చేస్తున్న టైంలో కూడా నన్ను ఏడిపించేవారు. నాకిప్పటికీ గుర్తు…. నేను ట్రైన్‌లో అప్పర్ బెర్త్ లో పడుకుని ఉంటే.. కిందనుంచి పిన్నీసులతో, పుల్లలతో గుచ్చేవాళ్లు. నాకు బాగా ఏడుపొచ్చేది.ఆ టైంలో నాకు ట్రైన్ లో నుండి దూకేద్దాం అనుకునేదాన్ని. మా అమ్మతో మాత్రం చెప్పేదాన్ని కాదు. కానీ చాలా సార్లు చెప్పాలనిపించేది” అంటూ చెప్పుకొచ్చింది.

బిగ్ బాస్ 6 తెలుగు 21 మంది కంటెస్టెంట్స్ గురించి మీకు తెలియని ఆసక్తికరమైన విషయాలు!

Most Recommended Video

భూమా మౌనిక కు ఆల్రెడీ పెళ్లయిందా?
బిగ్ బాస్ కంటెస్టెంట్ రేవంత్ గురించి 10 ఆసక్తికరమైన విషయాలు..!
ఛార్మి మాత్రమే కాదు నిర్మాతలయ్యి భారీగా నష్టపోయిన హీరోయిన్ల లిస్ట్..!