తమిళంలో అత్యంత భారీ బడ్జెట్ తో తెరకెక్కిన పొన్నియిన్ సెల్వన్ సినిమా ట్రైలర్ తాజాగా విడుదల కాగా ఈ సినిమా ట్రైలర్ కు రికార్డు స్థాయిలో వ్యూస్ వస్తున్నాయనే సంగతి తెలిసిందే. అయితే ఈ సినిమాను బాహుబలితో పోల్చడంపై నెటిజన్ల నుంచి, తెలుగు రాష్ట్రాల ప్రేక్షకుల నుంచి విమర్శలు వ్యక్తమవుతూ ఉండటం గమనార్హం. రాజమౌళి డైరెక్షన్ లో తెరకెక్కిన బాహుబలి1, బాహుబలి2 బాక్సాఫీస్ వద్ద సంచలనాలు సృష్టించాయి. బాహుబలి2 కలెక్షన్ల విషయంలో క్రియేట్ చేసిన రికార్డులను మరే సౌత్ సినిమా బ్రేక్ చేయలేదు.
బాహుబలి2 సినిమాలో తొలి సన్నివేశం నుంచి చివరి సన్నివేశం వరకు ప్రేక్షకులను ఆకట్టుకునే కథ, కథనం ఉండటంతో పాటు ఆసక్తికర ట్విస్టులు ఆ సినిమా సక్సెస్ కు కారణమయ్యాయి. అయితే ఈ సినిమాను బాహుబలితో పోల్చడం మాత్రం కరెక్ట్ కాదని నెటిజన్ల నుంచి కామెంట్లు వినిపిస్తున్నాయి. బాహుబలి సినిమా అద్భుతం అని అందమైన చందమామ కథను ప్రేక్షకులకు నచ్చేలా రాజమౌళి తెరకెక్కించారని చాలామంది కామెంట్లు చేస్తుండటం గమనార్హం.
పొన్నియిన్ సెల్వన్ గ్రాండ్ గానే తెరకెక్కిందని అయితే బాహుబలి స్థాయి ఎమోషనల్ సన్నివేశాలు ఈ సినిమాలో ఉంటాయని భావించడం లేదని నెటిజన్లు చెబుతున్నారు. పొన్నియిన్ సెల్వన్ ఏ రేంజ్ హిట్ అవుతుందో చూడాల్సి ఉంది. తమిళం మినహా ఇతర భాషల్లో ఈ సినిమా ఆశించిన స్థాయిలో సక్సెస్ సాధించడం సులువు కాదని కామెంట్లు వినిపిస్తున్నాయి. గత కొన్నేళ్లుగా మణిరత్నం డైరెక్షన్ లో తెరకెక్కిన సినిమాలు ప్రేక్షకుల అంచనాలకు అనుగుణంగా విజయం సాధించలేదు.
మణిరత్నంకు కూడా ఈ సినిమా సక్సెస్ కీలకం కాగా ఈ సినిమాతో మణిరత్నం కోరుకున్న విజయం దక్కుతుందో లేదో చూడాల్సి ఉంది. భారీ తారాగణంతో తెరకెక్కిన ఈ సినిమా కచ్చితంగా సక్సెస్ సాదించాలని అభిమానులు కోరుకుంటున్నారు. సెప్టెంబర్ నెల 30వ తేదీన రికార్డ్ స్థాయి స్క్రీన్లలో ఈ సినిమా రిలీజ్ కానుందని ఇండస్ట్రీ వర్గాల్లో వినిపిస్తోంది.
Most Recommended Video
భూమా మౌనిక కు ఆల్రెడీ పెళ్లయిందా?
బిగ్ బాస్ కంటెస్టెంట్ రేవంత్ గురించి 10 ఆసక్తికరమైన విషయాలు..!
ఛార్మి మాత్రమే కాదు నిర్మాతలయ్యి భారీగా నష్టపోయిన హీరోయిన్ల లిస్ట్..!
