బాలయ్య-బోయపాటి శ్రీనుల హ్యాట్రిక్ మూవీపై ఫ్యాన్స్ లో ఏ స్థాయిలో అంచనాలున్నాయో తెలిసిందే. ఈ చిత్రం ద్వారా బాలయ్య భారీ హిట్ అందుకోనున్నాడని వారు గట్టి విశ్వాసంతో ఉన్నారు. ఇక బాలయ్య పుట్టిన రోజున విడుదలైన టీజర్ వారి అంచనాలను మరింత పెంచేసింది. పంచకట్టులో బాలయ్య గెటప్ కి ఫుల్ మార్క్స్ పడ్డాయి. కాగా ఈ మూవీ హీరోయిన్ పై కొద్దిరోజులుగా భారీ చర్చ నడుస్తుంది. హీరోయిన్ గురించి అనేక కథనాలు మీడియాలో ప్రచురితం అవుతున్నాయి.
ముఖ్యంగా హీరోయిన్ అమలా పాల్ ని బోయపాటి ఈ మూవీలో హీరోయిన్ గా తీసుకున్నారన్న వార్త ప్రచారంలో ఉంది. ఐతే ఈ విషయంపై దర్శకుడు బోయపాటి శ్రీను స్పష్టత ఇవ్వడంతో పాటు, కొన్ని ఆసక్తికర వ్యాఖ్యలు చేశాడు. బాలయ్య హీరోయిన్ కోసం బోయపాటి రెండు ఆలోచనలు చేశాడట. ఫార్మ్ లో ఉన్న హీరోయిన్ ని తీసుకుందామా లేక కొత్త హీరోయిన్ ని తీసుకుందామా? అని అనుకున్నారట. చివరకు ఆయన కొత్త హీరోయిన్ కే ఫిక్స్ అయ్యారట.
ఈ చిత్రం ద్వారా ఓ కొత్త హీరోయిన్ ని పరిచయం చేయనున్నట్లు ఆయన చెప్పుకొచ్చారు. దీనితో ఈ మూవీలో అమలా పాల్ నటిస్తుందని వస్తున్న వార్తలలో నిజం లేదని తేలిపోయింది. మరి అరవై ఏళ్ళు దాటిన బాలయ్య పక్కన కొత్త హీరోయిన్ అంటే సెట్ అవుతుందా లేదా అనే అనుమానం కలుగుతుంది. బోయపాటి ఆ నిర్ణయం వెనుకున్న అసలు కథ ఏమిటో తెలియాలంటే కొన్నాళ్ళు ఆగాల్సిందే. మిర్యాల రవీంద్రా రెడ్డి నిర్మిస్తున్న ఈ చిత్రానికి థమన్ సంగీతం అందిస్తున్నారు.
Most Recommended Video
ఈ అద్దాల మేడల్లాంటి ఇల్లులు.. మన టాలీవుడ్ హీరోల సొంతం..!
సినిమా హీరోయిన్లకు ఏమాత్రం తీసిపోరు ఈ సీరియల్ హీరోయిన్స్ ..!
టాలీవుడ్ హీరోల భార్యలు.. మెట్టినింటికి తెచ్చిన కట్నాలు ఎంతెంతంటే..!
