Kvn Production: కేవీఎన్‌ ప్రొడక్షన్స్‌కి మరో సమస్య.. కొత్త సినిమా చుట్టూ బూతు వివాదం!

కేవీఎన్‌ ప్రొడక్షన్స్‌.. కన్నడ నాట పెద్ద సినిమా డిస్ట్రిబ్యూటర్లలో ఒకటి. ఎన్నో ఏళ్లుగా సినిమా పరిశ్రమలో ఉంది. ఐదేళ్ల క్రితం ఓ సినిమాను నిర్మించి ప్రొడక్షన్‌ హౌస్‌గా మారింది. ఆ తర్వాత కాస్త గ్యాప్‌ ఇచ్చి ఇప్పుడు సౌత్‌ భాషలన్నింటిలోనూ సినిమాలు స్టార్ట్‌ చేసి గ్రాండ్‌ రీలాంచ్‌ అవ్వాలని చూసింది. అయితే ఏమైందో ఏమో.. ఏ సినిమా పట్టుకున్నా, ఏదో సమస్య వస్తూనే ఉంది. ఇప్పటికే ఓ సినిమా సెన్సార్‌ చిక్కుల్లో పడి కోర్టులో ఉండగా.. మరో సినిమా లాంగ్‌ వాయిదా పడింది. ఇప్పుడు రిలీజ్‌కి రెడీ అయిన మూడో సినిమా పాట రిలీజ్‌ అవ్వగానే వివాదం చుట్టుకుంది.

Kvn Production

కేవీఎన్‌ ప్రొడక్షన్స్‌ నిర్మాణంలో తెరకెక్కుతున్న సినిమాల్లో ‘కేడీ డెవిల్‌’ ఒకటి. ధ్రువ్‌ సర్జా హీరోగా రూపొందుతున్న ఈ సినిమాను త్వరలో విడుదల చేయాలని చూస్తున్నారు. ఈ క్రమంలో ‘సర్కే చునర్ తేరి సర్కే’ అనే పాటను విడుదల చేశారు. హిందీ వెర్షన్ తెలుగు గాయని మంగ్లీ పాడారు. ఇప్పుడీ పాట మీద విమర్శలు వస్తున్నాయి. రఖీబ్ ఆలం సాహిత్యం అందించిన ఈ పాటలో ఘాటైన సాహిత్యం ఉందని అంటున్నారు.

మందు తాగే అలవాటున్న విలన్ సంజయ్ దత్‌ని ఉద్దేశించి ఐటెం నాయిక నోరా ఫతేహి పాడినట్టుగా ఈ పాట ఉన్నా బోలెడు ద్వందార్థాలు ఉన్నాయనేది బాలీవుడ్‌ వర్గాల మాట. అయితే పాట చిత్రీకరణ కూడా కాస్త అలానే ఉండటంతో విమర్శలు ఎక్కువగా వస్తున్నాయి. దీంతో నెటిజెన్లు ‘కేడీ డెవిల్’ మీద విమర్శలు చేస్తున్నారు. తొలుత ఏదో విమర్శలు అనుకున్నారు కానీ.. ఇప్పడవి చినికి చినికి గాలివాన అయ్యేలా ఉన్నాయనిపిస్తోంది.

ఈ సినిమా మూడేళ్లుగా నిర్మాణంలో ఉంది. భారీగా ఖర్చు పెట్టేశారు కూడా. ఎట్టకేలకు పూర్తి చేసి వేసవిలో విడుదల చేద్దాం అనుకుంటున్నారు. ఈ సమయంలో ఇలాంటి విమర్శలు రావడం పెద్ద విషయమే. ఇప్పటికే ఈ బ్యానర్‌ సినిమాలు ‘జన నాయగన్‌’ సెన్సార్‌ చిక్కుల్లో ఉండగా.. ‘టాక్సిక్‌’ లేట్‌ అవుతోంది. ఈ కారణాల వల్ల చిరంజీవి – బాబి సినిమాని చేస్తారో లేదో తెలియని పరిస్థితి ఏర్పడింది.

 కథ, దర్శకుడు, జోనర్‌.. మోక్షు సినిమాలకు ఇవేవీ అడ్డం కాదు.. అదొక్కటే పెండింగ్‌