పవర్ స్టార్ పవన్ కళ్యాణ్ ‘వకీల్ సాబ్’ సినిమాతో రీఎంట్రీ ఇచ్చిన సంగతి తెలిసిందే. దిల్ రాజు నిర్మించిన ఈ సినిమా భారీ వసూళ్లను రాబట్టింది. ఇప్పుడు ఈ సినిమాను ఓటీటీలో విడుదల చేయడానికి సన్నాహాలు చేస్తున్నారు. రేపే ఈ సినిమాను అమెజాన్ ప్రైమ్ లో టెలికాస్ట్ చేయనున్నారు. అయితే ఇప్పుడు ఈ విషయంలో నిర్మాత దిల్ రాజుపై కేసు పెడతానని బెదిరిస్తున్నారు. అసలు విషయమేమిటంటే.. ‘వకీల్ సాబ్’ సినిమా యూఎస్ హక్కులను దుబాయ్ కి చెందిన ఫార్స్ కంపెనీకి విక్రయించారు.
అలా అమ్మినప్పుడు యాభై రోజుల లోపు ఓటీటీ ఫ్లాట్ ఫామ్ లో విడుదల చేయనని దిల్ రాజు అగ్రిమెంట్ రాసి ఇచ్చినట్లు తెలుస్తోంది. కానీ ఇప్పుడు ఆ టైమ్ పూర్తికాకుండానే.. ‘వకీల్ సాబ్’ను ఆన్లైన్ లో రిలీజ్ చేయడానికి రెడీ అయిపోయారు. దీంతో దుబాయ్ సంస్థ కేసు పెడతానని చెప్పినట్లు తెలుస్తోంది. తమకు మూడు కోట్ల రూపాయల నష్టపరిహారం చెల్లించాలని.. లేదంటే కేసు పెడతామని ఫార్స్ సంస్థ నిర్మాత దిల్ రాజుని హెచ్చరిస్తున్నట్లు తెలుస్తోంది.
ప్రస్తుతం ఈ విషయంపై చర్చలు జరుగుతున్నట్లు తెలుస్తోంది. దిల్ రాజు వాళ్లు అడిగినంత మొత్తాన్ని ఇవ్వడానికి సిద్ధంగా లేరని సమాచారం. అయితే సినిమా నిర్మాణంలోకి రావాలనుకుంటున్న ఫార్స్ కంపెనీ ఇప్పటినుండే కేసులు, నోటీసులు అని తిరగడం మంచిది కాదని.. ఇండస్ట్రీ జనాలు దుబాయ్ సంస్థకి సలహాలు ఇస్తున్నారట. మరి ఈ విషయంలో దిల్ రాజు ఎలాంటి నిర్ణయం తీసుకుంటాడో చూడాలి!
Most Recommended Video
ధూమపానం మానేసి ఫ్యాన్స్ ని ఇన్స్పైర్ చేసిన 10 మంది హీరోల లిస్ట్..!
ఈ 12 మంది హీరోయిన్లు తక్కువ వయసులోనే పెళ్లి చేసుకున్నారు..!
ఈ 12 మంది డైరెక్టర్లు మొదటి సినిమాతో కంటే కూడా రెండో సినిమాతోనే హిట్లు కొట్టారు..!
