నిహారిక మలి అడుగు నారా రోహిత్ తోనే

మెగా ప్రిన్సెస్ నిహారిక వెండితెరపై వేసిన తొలి అడుగు నిరాశను మిగిల్చింది. నాగశౌర్యతో కలిసి చేసిన ‘ఒక మనసు’ మూవీ సినీ ప్రముఖుల ప్రసంశలు అందుకున్నా, బాక్స్ ఆఫీస్ వద్ద బోల్తా కొట్టింది. దీంతో ఆమె మలి అడుగుపై ఆలోచనలో పడింది. కొన్ని నెలలుగా స్క్రిప్ట్ చదవడంలోనే మునిగిపోయిన ఆమెకు ఒక కథ నచ్చిందని సమాచారం. స్కిన్ షో కాకుండా నటనకు ఎక్కువ ప్రాధాన్యం ఉండే స్టోరీ కావడంతో దానికి ఒకే చెప్పినట్లు ఫిల్మ్ నగర్ వాసులు చెప్పుకుంటున్నారు.

‘ప్రేమ ఇష్క్ కాదల్’ ఫేమ్ పవన్ సాదినేని దర్శకత్వం వహించనున్న ఈ చిత్రంలో  నారా రోహిత్ హీరోగా నటించనున్నారు. దీనికి సంబంధించిన అధికారిక ప్రకటన త్వరలో వెలువడనుంది. ప్రస్తుతం తమిళంలో విజయ్ సేతుపతి చిత్రంతో బిజీగా ఉన్న నిహారిక .. ఆ షూటింగ్ పూర్తికాగానే తెలుగులో రీ లాంచ్ సినిమా పనిలో పడనుంది. నారా రోహిత్ సినిమాలు రొటీన్ కి విభిన్నంగా ఉంటాయి. ఈ లెక్కన చూస్తే నిహారిక రెండో మూవీ డిఫెరెంట్ గా ఉండబోతోందని సినీ విశ్లేషకులు అంచనా వేస్తున్నారు.

Also, do SUBSCRIBE to our YouTube channel to get latest Tollywood updates.