బ‌న్నీవాస్ (Bunny Vas) సమర్పణలో ‘మిత్ర‌మండ‌లి’ (Mitra Mandali ) అనే సినిమా రూపొందింది. ప్రియ‌ద‌ర్శి (Priyadarshi), రాగ‌మయూర్, ప్ర‌సాద్ బెహ‌రా ఈ చిత్రంలో ప్రధాన పాత్రలు పోషిస్తున్నారు. ఈరోజు టీజర్ లాంచ్ నిర్వహించారు. టీజర్ మొత్తం కామెడీతో నింపేశారు. చూడటానికి అది ఫన్నీగానే ఉంది. విజ‌యేందర్ ఈ చిత్రానికి దర్శకుడు.
ఇతని ‘జాతి రత్నాలు’ (Jathi Ratnalu) దర్శకుడు అనుదీప్ (Anudeep) కి బెస్ట్ ఫ్రెండ్ అట. అందుకే టీజర్ లాంచ్ కు అతను కూడా వచ్చాడు. ఇక ఈ సినిమాతో హీరోయిన్ గా ఎంట్రీ ఇస్తుంది.. సోషల్ మీడియా సెన్సేషన్ కమ్ స్టార్ ఇన్ఫ్లుయెన్సర్ నిహారిక ఎన్.ఎం. మేజర్ టైంలో మహేష్ బాబు (Mahesh Babu) తో కలిసి చేసిన వీడియోల వల్ల ఈమె తెలుగు ప్రేక్షకులకి చేరువైంది అని చెప్పాలి. ఇటీవల టామ్ క్రూజ్ తో కూడా కలిసి సందడి చేసింది.
‘మిత్ర మండలి’ కి నిహారిక ఎన్.ఎం (Niharika NM) ఓ స్పెషల్ అట్రాక్షన్ అనే చెప్పాలి. అయితే ఈ సినిమా కోసం ఆమె ఎంత పారితోషికం అందుకుంటుందో తెలిస్తే అందరూ నోరెళ్ల పెట్టడం ఖాయం. అవును.., అందుతున్న సమాచారం ప్రకారం.. ‘మిత్ర మండలి’ లో హీరోయిన్ గా నటించడం కోసం ఆమె ఏకంగా రూ.60 లక్షలు పారితోషికంగా అందుకుంటుందట. సోషల్ మీడియాలో ఆమె ఫాలోయింగ్ అలాంటిది మరి.
‘మిత్ర మండలి’ సినిమాకి ఆమె వల్ల గట్టిగా ప్రమోషన్ జరుగుతుంది అనే ధీమాతో టీం ఆమె అడిగినంత ఇచ్చేసినట్టు తెలుస్తుంది. అయినప్పటికీ ఓ ఇన్ఫ్లుయెన్సర్ కి అన్ని లక్షల పారితోషికం ఏంటి అంటూ చెవులు కొరుక్కునే వాళ్ళు ఉండొచ్చు. ‘ఫౌజి’ లో ప్రభాస్ (Prabhas) సరసన నటిస్తున్న ఇమాన్వి అనే ఇన్ఫ్లుయెన్సర్ అయితే రూ.80 లక్షల నుండి కోటి రూపాయల వరకు పారితోషికం అందుకుంటుంది. ఆమెతో పోలిస్తే నిహారిక (Niharika) కొంచెం తక్కువగా అందుకుంటుంది అని చెప్పాలి.
Home