Nithiin: వైరల్‌ వీడియో: భార్యకు కరోనా.. నితిన్‌ ఏం చేశాడంటే?

మనసుంటే మార్గాలు వెయ్యి అంటుంటారు పెద్దోళ్లు. అదే ప్రేమ ఉంటే ఆ మార్గాలు వెయ్యి నుండి లక్షకు, అంతకుమించి పెరుగుతాయి అని అనొచ్చు. ఇలాంటి మార్గాలను, ఆ ప్రేమను కరోనా కూడా ఆపలేదు. ఇంతింత పెద్ద మాటలు చెబుతున్నారేంటి అనుకుంటున్నారా? తన భార్య విషయంలో కుర్ర హీరో నితిన్‌ చూపించిన ప్రేమను చూస్తే మీరు కూడా ఇంతకుమించి మాట్లాడతారు. కావాలంటే ఓసారి నితిన్‌ రీసెంట్‌ ట్వీట్‌ చూడండి మీకే తెలుస్తుంది. భార్య మీద ప్రేమను ఎంత అందంగా ప్రదర్శించాడో.

నితిన్‌ భార్య షాలినికి ఇటీవల కరోనా సోకింది. దీంతో ఆమె ఇంట్లోనే ప్రత్యేక గదిలో ఐసోలేషన్‌లో ఉన్నారు. ఈ రోజు ఆమె జన్మదినం కావడంతో కేక్‌ కట్‌ చేసి సెలబ్రేట్‌ చేసుకోవాలనుకున్నారు. ఎవరైనా ఇలానే అనుకుంటారు. కానీ కరోనా ఉన్నప్పుడు ఎలా చేసుకుంటారు. దానికి నితిన్‌ అండ్‌ కో. కి భలే ఆలోచన వచ్చింది. అదే డిస్టన్స్‌ సెలబ్రేషన్‌. అవును ఆ వీడియోలో ఉన్నది, నితిన్‌ చూపించిన ప్రేమ అదే.

భార్య ఎదురుగా మేడపైన గది నుండి కిటికీ దగ్గర నిల్చుని చూస్తుంటే… దిగువ లాన్‌లో నితిన్‌ ఆమె బదులు కేక్‌ కట్‌ చేసి సెలబ్రేట్‌ చేశాడు. ఆ వీడియో ఇప్పుడు వైరల్‌గా మారింది. ఈ వీడియో చూడటానికి సాధారణంగా కనిపించొచ్చు కానీ, కరోనా కుటుంబాల్ని, బంధాల్ని ఎంత ఇబ్బంది పెడుతోందో తెలుస్తోంది. ఇంతకుమించన కష్టాలు మనం గత కొన్నేళ్లుగా చూస్తూనే ఉన్నాం అనుకోండి. రీసెంట్ వీడియో కాబట్టే ఇదంతా. కేక్‌ కట్‌చేసినప్పుడు, ఆ తర్వాత దాన్ని అలా నితిన్‌ గాల్లో చూపిస్తున్నప్పుడు ఆ ముఖంలో ప్రేమ కనిపిస్తోంది.

భార్యకు దూరంగా ఉన్నాడనే బాధ కనిపిస్తోంది. కేక్‌ తిని… అద్భుతంగా ఉంది అంటూ భార్యను ఊరడించే ప్రయత్నం చేశాడు నితిన్‌. ఈ వీడియోను యువ దర్శకుడు వెంకీ కుడుమల షూట్‌ చేసినట్లు కూడా చెప్పాడు నితిన్‌. కరోనాకు బేరియర్స్‌ ఉన్నాయి, కానీ ప్రేమకు లేవు. హ్యాపీ బర్త్‌డే మై లవ్‌. జీవితంలో మొదటిసారి నువ్వు నెగిటివ్‌ అవ్వాలని కోరుకుంటున్నా అంటూ ట్వీట్‌లో రాసుకొచ్చాడు నితిన్‌.

COVID has barriers…
But LOVE has no BARRIERS..
HAPPY BIRTHDAY MY LOVE❤️
LIFE lo 1st time nuvvu negative kavalani korukuntunnanu 😘😘 pic.twitter.com/5zFuOOIaqe

— nithiin (@actor_nithiin) January 6, 2022

2021.. ఇండస్ట్రీని వివాదాలతో ముంచేసింది!

Most Recommended Video

ఈ ఏడాది హీరోయిన్లుగా ఎంట్రీ ఇచ్చిన భామల లిస్ట్..!
ఈ ఏడాది ప్లాపుల నుండీ బయటపడ్డ హీరోలు ఎవరో తెలుసా?
ఈ ఏడాది వివాహం చేసుకున్న సినీ సెలబ్రిటీలు..!