Nithiin : తమ్ముడి స్టైల్ లో లుంగీ, మెడలో రెడ్ టవల్ .. ఇది ‘ఎక్స్ట్రా’ పోస్టర్..!

యంగ్ హీరో నితిన్ కి పవన్ కళ్యాణ్ అంటే చాలా ఇష్టం. నితిన్ వరుస ప్లాపుల్లో ఉన్న టైంలో పవన్ కళ్యాణ్ కూడా వరుస ప్లాపుల్లో ఉన్నాడు. అయినప్పటికీ తన ‘ఇష్క్’ సినిమా వేడుకకు పవన్ కళ్యాణ్ ను గెస్ట్ గా పిలిచి.. పవన్ గొప్పతనం అందరికీ తెలిసేలా చేశాడు. 2012 లో పవన్ కళ్యాణ్ ‘గబ్బర్ సింగ్’ తో… నితిన్ ‘ఇష్క్’ తో కంబ్యాక్ ఇవ్వడం జరిగింది. అప్పటి నుండి తన ప్రతి సినిమాలోనూ పవన్ కళ్యాణ్ రిఫరెన్స్ ఉండేలా చూసుకుంటూ వచ్చాడు.

ఈ క్రమంలో ‘గుండెజారి గల్లంతయ్యిందే’ ‘అఆ’ ‘భీష్మ’ వంటి విజయాలు అందుకున్నాడు. ఇప్పటికీ తన సినిమాలో ఏదో ఒక రకంగా పవన్ కళ్యాణ్ రిఫరెన్స్ లు వాడుకుంటూనే ఉన్నారు అని నితిన్ ని అడిగితే.. ‘నేను నా మొదటి సినిమా ‘జయం’ నుండి పవన్ కళ్యాణ్ రిఫరెన్స్ లు వాడుతున్నాడు.. మీరు కరెక్ట్ గా చూస్తే అర్ధమవుతుంది’ అంటూ ఓ సందర్భంలో చెప్పుకొచ్చాడు.ఆ విషయాలు పక్కన పెట్టేస్తే.. నితిన్ ప్రస్తుతం ‘ఎక్స్ట్రా’ అనే సినిమాలో నటిస్తున్నాడు.

వక్కంతం వంశీ ఈ చిత్రానికి దర్శకుడు. డిసెంబర్ 8 న ఈ సినిమా విడుదల కాబోతుంది. అయితే టీజర్ ను అక్టోబర్ 30 న విడుదల చేయబోతున్నట్టు తాజాగా ఓ పోస్టర్ ద్వారా వెల్లడించింది చిత్ర బృందం. ఈ పోస్టర్ లో నితిన్(Nithiin).. ‘తమ్ముడు’ లో పవన్ కళ్యాణ్ లా లుంగీ ధరించి రెడ్ కలర్ షర్ట్ అలాగే మెడలో రెడ్ టవల్ వేసుకుని.. పవన్ కళ్యాణ్ అభిమానుల అటెన్షన్ ను డ్రా చేసే ప్రయత్నం చేశాడు.

భగవంత్ కేసరి సినిమా రివ్యూ & రేటింగ్!

లియో సినిమా రివ్యూ & రేటింగ్!
టైగర్ నాగేశ్వరరావు సినిమా రివ్యూ & రేటింగ్!