తన డ్రీమ్ రోల్స్ ని బయట పెట్టిన నివేదా థామస్

బాలనటిగా అవార్డులను అందుకున్న నివేదా థామస్ హీరోయిన్ గాను అందరి మనసులను గెలుచుకుంటోంది. మలయాళంలో హిట్స్ సొంతంచేసుకున్న ఈ బ్యూటీ నాని “జెంటిల్‌మేన్” తో టాలీవుడ్ లో ఎంట్రీ ఇచ్చింది. తొలి చిత్రంతోనే శెభాష్ అనిపించుకుంది. “నిన్ను కోరి”, “జై లవకుశ” వంటి చిత్రాలతో తెలుగులో టాప్ హీరోయిన్ జాబితాలో చేరిపోయింది. ఇప్పుడు ‘కేశవ’ డైరెక్టర్ సుధీర్ వర్మ దర్శకత్వంలో నటించడానికి సిద్ధమవుతోంది. ఈ సందర్భంగా ఆమెను పలకరించగా ఆసక్తికర సంగతులు వెల్లడించింది.

తనకు ఛాలెంజింగ్ రోల్స్ చేయడం చాలా ఇష్టమని, అటువంటి స్క్రిప్ట్ కోసం ఎదురుచూస్తున్నానని చెప్పింది. ‘తను వెడ్స్ మను’లో కంగనా రనౌత్, ‘బర్ఫీ’లో ప్రియాంక చోప్రా, ‘బాజీరావ్ మస్తానీ’లో దీపికా పదుకొణే చేసిన రోల్స్ చేయాలని.. అవే తన డ్రీమ్ రోల్స్ అని మనసులోని మాటను బయటపెట్టింది. అటువంటి రోల్స్ లో నివేద థామస్ ని చూడాలని తెలుగు అభిమానులు కూడా కోరుకుంటున్నారు.