టాలీవుడ్ స్టార్ హీరోలలో చాలామంది హీరోలు తమ రెమ్యునరేషన్లతో చుక్కలు చూపిస్తున్నారు. అదే సమయంలో సినిమా కథ, కథనంలో జోక్యం చేసుకోవడంతో పాటు చెప్పిన టెక్నీషియన్లను నియమించాలని, ఖరీదైన క్యాస్టూమ్స్ కావాలని గొంతెమ్మ కోరికలు కోరుతున్నారు. కొన్ని సినిమాలకు హీరోల వల్లే బడ్జెట్ భారీగా పెరుగుతున్నా నిర్మాతలు నోరెత్తలేని పరిస్థితి నెలకొంది. ఇలా జరగడం వల్ల సినిమాలు హిట్టైనా నిర్మాతలకు లాభాలు రావడం లేదు. అయితే ఈ విషయంలో బాలయ్య మిగతా హీరోలకు భిన్నమని చెప్పాలి.
దర్శకులు, నిర్మాతలకు బాలయ్య ఎలాంటి ఇబ్బంది కలించరు. ఒకసారి స్క్రిప్ట్ లాక్ అయిన తర్వాత కథ, కథనం విషయంలో జోక్యం చేసుకోరు. అదే సమయంలో ఔట్ డోర్ షూటింగ్స్ కు ప్రాధాన్యత ఇచ్చి నిర్మాతలకు భారం తగ్గించే హీరోగా బాలయ్యకు పేరుంది. ప్రజల మధ్య షూటింగ్ ను బాలయ్య ఇష్టపడతారు. ఈ విషయంలో బాలయ్య గ్రేట్ అని చెప్పవచ్చు.
అనవసరమైన విషయాలకు డబ్బులు ఖర్చు చేయడాన్ని బాలయ్య ఇష్టపడరని లగ్జరీ లైఫ్ కంటే కంఫర్ట్ లైఫ్ ఇష్టపడతారని సమాచారం. గతంలో తమ్మారెడ్డి భరద్వాజ సైతం బాలయ్య లైఫ్ స్టైల్ గురించి గొప్పగా చెప్పిన సంగతి తెలిసిందే. బాలయ్య తన సినిమాల టైటిల్స్ విషయంలో ఎన్నో జాగ్రత్తలు తీసుకుంటున్నారని తెలుస్తోంది. బాలయ్య భగవంత్ కేసరి సినిమాతో హ్యాట్రిక్ సాధించడం ఖాయమని ఫ్యాన్స్ భావిస్తున్నారు. బాలయ్య (Balakrishna) భవిష్యత్తు ప్రాజెక్ట్ లు కూడా భారీ రేంజ్ లో ఉన్నాయి.
బాబీ, బోయపాటి శ్రీను డైరెక్షన్ లో బాలయ్య కొత్త సినిమాలు తెరకెక్కుతున్నాయి. ఏడాదికి ఒకటి లేదా రెండు సినిమాలు విడుదలయ్యేలా బాలయ్య కెరీర్ ను ప్లాన్ చేసుకుంటున్నారు. బాలయ్య ఊరమాస్ సినిమాలతో వరుస విజయాలను అందుకుంటూ సత్తా చాటుతున్నారు. స్టార్ హీరో బాలయ్య పారితోషికం 25 కోట్ల రూపాయల నుంచి 30 కోట్ల రూపాయల రేంజ్ లో ఉందని తెలుస్తోంది.
‘జవాన్’ ట్రైలర్ పై ట్రెండ్ అవుతున్న 15 మీమ్స్!
ఇప్పటికీ రిలీజ్ కి నోచుకోని 10 క్రేజీ సినిమాల లిస్ట్..!
ఈ వీకెండ్ కి ధియేటర్/ఓటీటీలో రిలీజ్ కాబోతున్న 15 సినిమాలు/ సిరీస్ ల లిస్ట్..!
