ఆర్ ఆర్ ఆర్ మూవీ నుండి ఎన్టీఆర్ ఫస్ట్ లుక్ వీడియో రాకున్నప్పటికీ ఫ్యాన్స్ లో ఎక్కడా నిరాశ కనిపించలేదు. సోషల్ మీడియా వేదికగా వారు భారీగా ఎన్టీఆర్ పుట్టినరోజు జరుపుకున్నారు. ఈ వేడుకలో టాలీవుడ్ సెలెబ్రిటీలు కూడా పాల్గొన్నారు. ఎన్టీఆర్ తో తమకున్న అనుభవాన్ని, అనుబంధాన్ని గుర్తు చేసుకుంటూ బెస్ట్ బర్త్ డే విశెష్ తెలియజేశారు. ఇక ఎన్టీఆర్-త్రివిక్రమ్ మూవీ నిర్మాతలుగా ఉన్న హారిక అండ్ హాసిని క్రియేషన్స్ గతంలో వారు నిర్మించిన అరవింద సమేత వీరరాఘవ సినిమాలో బెస్ట్ షాట్స్ తో ఓ యాక్షన్ వీడియో విడుదల చేశారు. ఎన్టీఆర్ చివరి చిత్రం అదే కావడంతో ఆ వీడియోలో ఎన్టీఆర్ మాస్ అవతార్ ఫ్యాన్స్ ఒకసారి గుర్తు చేసుకున్నారు.
ఐతే ఈ పుట్టినరోజున ఎన్టీఆర్ ఫ్యాన్స్ కి వచ్చిన బిగ్ అప్డేట్ ప్రశాంత్ నీల్ మూవీ. దీనిపై ఎప్పటి నుండో ప్రచారం సాగుతున్నా ఫ్యాన్స్ లో ఏదో ఒక మూలన అనుమానం ఉండేది. దానిని డైరెక్టర్ ప్రశాంత్ నీల్ తన ట్వీట్ తో పటాపంచలు చేశారు. పరోక్షంగా సినిమా ఉందని చెప్పేశారు. కాగా ఎన్టీఆర్ నుండి 2021 లో రెండు చిత్రాలు రానున్నాయి. ఆర్ ఆర్ ఆర్ తో పాటు త్రివిక్రమ్ మూవీ విడుదల వచ్చే ఏడాది ఉంటుంది అనేది ఖాయం. ఈ నేపథ్యంలో మళ్ళీ ఎన్టీఆర్ 2022 మిస్సయ్యే సూచనలు కనిపిస్తున్నాయి.
కారణం… ఎలా చూసుకున్నా ప్రశాంత్ నీల్ తో ఎన్టీఆర్ మూవీ సెట్స్ పైకి వెళ్ళడానికి ఏడాదికి పైనే పడుతుంది. కనీసం 2021 చివర్లో సెట్స్ పైకి వెళ్లినా కాంబినేషన్ రీత్యా ఈ మూవీ పూర్తి కావడానికి ఏడాది పైనే పడుతుంది. కాబట్టి 2022లో ఎన్టీఆర్ నుండి మూవీ ఉండక పోవచ్చనే వాదన మొదలైంది. ఇప్పటికే ఆర్ ఆర్ ఆర్ వలన ఎన్టీఆర్ 2019 మరియు 2020 ఎటువంటి చిత్రం లేకుండా ముగించాడు. కాబట్టి ఎన్టీఆర్ ఫ్యాన్స్ ని ఇది కొంచెం ఇబ్బంది పెట్టే అంశమే.
Most Recommended Video
ఎన్టీఆర్ రిజెక్ట్ చేసిన 12 సినిమాలు!
తెలుగు హీరోలను చేసుకున్న తెలుగురాని హీరోయిన్స్
అందమైన హీరోయిన్స్ ని పెళ్లి చేసుకున్న టాలీవుడ్ విలన్స్
