ప్లానింగ్ లో ఎన్టీఆర్ కంటే వెనుక పడ్డ మహేష్ బాబు

కెరీర్ ని చక్కగా ప్లాన్ చేసేవారిలో మహేష్ బాబు నంబర్ వన్ అని అందరూ అంటుండేవారు. ఒక సినిమా కంప్లీట్ అవగానే వెంటనే మరో ప్రాజక్ట్ ని లైన్లో పెట్టడం మహేష్ స్టైల్. హడావుడి పడకుండా స్మూత్ గా వెళ్లిపోతుంటారు. ఇప్పుడు అతని సినీ ప్రయాణం సాఫీగా సాగడం లేదని తెలుస్తోంది. శ్రీమంతుడుతో ఇండస్ట్రీ హిట్ కొట్టిన మహేష్ ఆ తర్వాత ఆ స్థానాన్ని నిలబెట్టుకోలేక పోయారు. బ్రహ్మోత్సవంతో తాను హిట్ ట్రాక్ నుంచి పక్కకు వెళ్లారు. మురుగదాస్ ప్రాజక్ట్ తోనైనా మళ్ళీ హిట్ ట్రాక్ లోకి వద్దామనుకుంటే అది ఇప్పుడల్లా థియేటర్లోకి వచ్చేలా లేదు. దీని తర్వాత కొరటాల శివ, వంశీ పైడిపల్లి సినిమాలను మహేష్ చేయాల్సి ఉంది.

స్పైడర్ మూవీ షూటింగ్ లేట్ కావడంతో మహేష్ ప్లాన్ మొత్తం బెడిసికొట్టింది. ఇక ఎన్టీఆర్ కొన్నేళ్ల క్రితం కెరీర్ తడబడినా ఇప్పుడు చక్కగా ప్లాన్ చేస్తున్నారు. టెంపర్, నాన్నకు ప్రేమతో, జనతా గ్యారేజ్ తో వరుసగా హ్యాట్రిక్ అందుకొని దూసుకుపోతున్నారు. ఇప్పుడు బాబీ దర్శకత్వంలో చేస్తున్న జై లవకుశ మూవీతో పాటు ఆ తర్వాత సినిమాలను లైన్లో పెట్టారు. 28 వ సినిమాను త్రివిక్రమ్, 29 వ చిత్రాన్ని కొరటాలతో చేయడానికి ఫిక్స్ అయ్యారు. 30 వ సినిమాని రాజమౌళి తో చేయడానికి ప్రయత్నాలు మొదలు పెట్టారు.  ఇలా ప్లానింగ్ లో టాలీవుడ్ హీరోలందరితో ఎన్టీఆర్ టాప్ ప్లేస్ లో ఉన్నారు.

Also, do SUBSCRIBE to our YouTube channel to get latest Tollywood updates.