ఒకే రోజు రానున్న పవన్, ఎన్టీఆర్ సినిమాలు

తొలితరం హీరోల్లో నందమూరి తారకరామారావు, అక్కినేని నాగేశ్వరరావు చిత్రాలు ఒకే రోజు రిలీజ్ అయి పోటీ పడేవి. ఆ తర్వాత మెగాస్టార్ చిరంజీవి, నటసింహ బాలకృష్ణ సినిమాలు విడుదలయి అయ్యేవి. ఈ ఏడాది సంక్రాంతి కి కూడా ఖైదీ నంబర్ 150, గౌతమి పుత్ర శాతకర్ణి ఒక రోజు తేడాలో రిలీజ్ అయి సీనియర్ హీరోల సత్తా చాటాయి. ఇదే విధంగా స్టార్ హీరోలు తారక్, పవన్ కళ్యాణ్ లు పోటీకి దిగబోతున్నారు. ఈ వార్ కి ఆగస్టు 11 వ తేదీ  సాక్షి కానుంది. ప్రస్తుతం పవన్ కళ్యాణ్ డాలీ దర్శకత్వంలో కాటమరాయుడు సినిమా చేస్తున్నారు. ఇది ఈనెల 24 న రిలీజ్ కానుంది.

దీని తర్వాత పవన్ వెంటనే మాటల మాంత్రికుడు త్రివిక్రమ్ శ్రీనివాస్ సినిమాని పట్టాలెక్కించనున్నారు. ఇప్పటికే ప్రీ ప్రొడక్షన్ మొత్తం కంప్లీట్ కావడంతో అత్యంత వేగంగా ఈ చిత్రాన్ని పూర్తి చేసే ఆలోచనలో త్రివిక్రమ్ ఉన్నారు. ఇక బాబీ డైరక్షన్లో ఎన్టీఆర్ చేస్తున్న మూవీ షూటింగ్ జరుపుకుంటోంది. జనతా గ్యారేజ్ తర్వాత ఆలస్యంగా ఓకే చెప్పడంతో దీనిని కూడా స్పీడ్ గా తెరకెక్కించాలని ప్రయత్నిస్తున్నారు. ఎన్టీఆర్, పవన్ చిత్రాలను ఆగస్టు 11 న రిలీజ్ చేసేందుకు నిర్మాతలు భావిస్తున్నట్లు సమాచారం. ఈ పోటీ ఇద్దరి అభిమానుల్లో ఉత్కంఠ కలిగిస్తోంది.

Also, do SUBSCRIBE to our YouTube channel to get latest Tollywood updates.