Balakrishna: మళ్లీ ఆ దర్శకుడితో రిపీట్ చేయనున్న బాలయ్య!

నందమూరి బాలకృష్ణ ఎటువంటి దర్శకులతో, ఎటువంటి సినిమాలు చేస్తున్నాడో తెలిస్తే ఇక అభిమానులకు దబిడి.. దిబిడే ..ఆ లైనప్ చూస్తే పిచ్చెక్కిపోద్ది.. బాలయ్య బాబు వరస చిత్రాల లిస్టు ఒకసారి చూద్దాం అగ్ర నటుల్లో కొంచెం తొందరగా అంటే సంవత్సరానికి రెండు సినిమాలు చేస్తున్న నటుల్లో నందమూరి బాలకృష్ణ ఒకరు. ఈ సంవత్సరం జనవరిలో మలినేని గోపీచంద్ దర్శకత్వం లో ‘వీరసింహా రెడ్డి’ విడుదల అయింది. ఇప్పుడు బాలకృష్ణ దర్శకుడు అనిల్ రావిపూడితో షూటింగ్ చేస్తున్నాడు, అది కూడా ఈ సంవత్సరమే విడుదల అవుతుంది అని అనుకుంటున్నారు.

ఇది టైటిల్ ఇంకా పెట్టలేదు, అందుకని దీనికి #NBK108 అని ఒక వర్కింగ్ టైటిల్ ఇచ్చారు అంతే. ఇది కాకుండా బాలకృష్ణ సినిమాల లైనప్ చూస్తే ఏమి సెట్ చేసుకున్నాడో అని ఆశ్చర్యం వేస్తుంది. తదుపరి సినిమా #NBK109 దర్శకుడు ఎవరో తెలుసా, ఇంకెవరు బోయపాటి శ్రీను. బోయపాటి వరసగా మూడు సినిమాలు చేసి మూడు పెద్ద హిట్స్ కొట్టి మళ్ళీ అదే కాంబినేషన్ లో బాలకృష్ణ సినిమా అంటే అభిమానులకు దబిడి దిబిడే. దీనికి నిర్మాతగా 14రీల్స్ అని ఒక వార్త నడుస్తోంది. ‘సింహ’, ‘లెజెండ్’, ‘అఖండ’ తరువాత ఈ రాబోయే సినిమా ఇంకా పీక్స్ లో ఉంటుంది అని ఒక టాక్.

దీని తరువాత #NBK110 దర్శకుడు బాలకృష్ణకి మంచి స్నేహితుడు కూడాను. అతను మరెవరో కాదు పూరి జగన్నాథ్ . వీళ్ళిద్దరూ ఇంతకు ముందు ‘పైసా వసూల్’ చేశారు, ఇప్పుడు ఇంకో సినిమాకి ఈ ఇద్దరూ మళ్ళీ కలుస్తున్నారు. పూరి కనెక్ట్ ఈ సినిమాకి నిర్మాత. ఇది అయ్యాక బాలకృష్ణ #NBK111 దర్శకుడు చింరజీవికి ‘వాల్తేర్ వీరయ్య’ లాంటి పెద్ద హిట్ ఇచ్చిన బాబీ . సితార ఎంటర్ టైన్ మెంట్ వాళ్ళు ఈ ప్రాజెక్ట్ కి నిర్మాతగా ఉంటారని టాక్.

ఈ రెండు సినిమాల తరువాత ఇంకో పెద్ద సినిమాకి (Balakrishna) బాలయ్య శ్రీకారం చుడుతున్నాడు. అది మరెవరో కాదు, మహేష్ బాబు తో ‘సర్కారు వారి పాట’ లాంటి హిట్ సినిమా తీసిన పరశురామ్ లేదా బుజ్జి. ఇప్పుడు బాలకృష్ణ తో చేతులు కలుపుతున్నాడు. ఈ సినిమా ఎవరు ప్రొడ్యూస్ చేస్తున్నారో తెలుసా, గీత ఆర్ట్స్ , అల్లు అరవింద్ . ఇవి వరసగా బాలకృష్ణ ప్రాజెక్ట్స్, ఇలా ఒకదానితరువాత ఒకటి అనుకున్నట్టు అయితే కనుక, దబిడి దిబిడే !

ఏజెంట్ సినిమా రివ్యూ & రేటింగ్!
పొన్నియన్ సెల్వన్సినిమా రివ్యూ & రేటింగ్!

బట్టలు లేకుండా నటించిన వారిలో ఆ హీరోయిన్ కూడా ఉందా?
పెళ్లికి ముందు గర్భవతి అయిన హీరోయిన్స్.. ఈ లిస్ట్ లో ఆ హీరోయిన్ కూడా ఉందా