Ponniyin Selvan 2 Review: పొన్నియన్ సెల్వన్ సినిమా రివ్యూ & రేటింగ్!

నందిని (ఐశ్వర్యరాయ్) మరియు పాండ్యులు కలిపి చోళ రాజ్యాన్ని కూల్చి తమ జెండా ఎగురవేసేందుకు.. ఆదిత్య కరికాలుడ్ని (విక్రమ్) గద్దె దించడానికి పూనుకుంటారు.

అసలు మందానికి ఎవరు? ఈ ఉపద్రవాన్ని చోళులు ఎలా ఎదుర్కొన్నారు? అనేది “పొన్నియన్ సెల్వన్ 2” కథాంశం.

నటీనటుల పనితీరు: మొదటి భాగంలో కార్తీ ఎక్కువ స్క్రీన్ స్పేస్ తో ఆకట్టుకోగా.. సెకండ్ పార్ట్ లో మాత్రం విక్రమ్ & ఐశ్వర్యరాయ్ అదరగొట్టారు. ఈ ఇద్దరి కాంబినేషన్ సీన్స్ సినిమాకి హైలైట్ గా నిలుస్తాయి.

జయం రవి, త్రిష, ఐశ్వర్యలేక్ష్మి, శోభిత ధూళిపాళ, ప్రకాష్ రాజ్, ప్రభు, శరత్ కుమార్, పార్తిబన్, రహమాన్ లు తమ తమ పాత్రల్లో ఒదిగిపోయారు.

సాంకేతికవర్గం పనితీరు: తొలి భాగాన్ని పూర్తిగా పాత్రల పరిచయానికే కేటాయించిన మణిరత్నం.. రెండో భాగంలో అసలైన డ్రామాతో ఆకట్టుకున్నారు. నిజానికి మొదటి భాగం నచ్చనివాళ్లకి కూడా రెండో భాగం నచ్చుతుంది అనడంలో ఎలాంటి సందేహం లేదు. విక్రమ్ – ఐశ్వర్యరాయ్ ల నడుమ వైరాన్ని నిశ్శబ్ధంతో ఎలివేట్ చేసిన విధానానికి ఎవరైనా ఫిదా అవ్వాల్సిందే. మాస్టర్ స్టోరీ టెల్లర్ అని మణిరత్నాన్ని ఎందుకు పొగుడుతారో ఈ చిత్రాన్ని చూసిన ప్రేక్షకులకు అర్ధమైపోతుంది. తనదైన శైలి స్క్రీన్ ప్లేతో ప్రేక్షకుల్ని మంత్రముగ్ధుల్ని చేశారు మణిరత్నం.

ఇక రవివర్మన్ సినిమాటోగ్రఫీ & ఫ్రేమ్స్.. మణిరత్నం పనితనాన్ని అద్భుతంగా ఎలివేట్ చేశాయి. రెహమాన్ సంగీతం సినిమాకి ఆయువుపట్టుగా నిలిచింది. ముఖ్యంగా నేపధ్య సంగీతం గురించి ఎంత మాట్లాడుకున్న తక్కువే.

ఆర్ట్ వర్క్ & వి.ఎఫ్.ఎక్స్ విషయంలో మాత్రం ఇంకాస్త జాగ్రత్త తీసుకోవాల్సింది.

విశ్లేషణ: ముందు చెప్పినట్లుగా.. తొలి భాగం నచ్చనివాళ్ళు కూడా మెచ్చే చిత్రం “పొన్నియన్ సెల్వన్ 2”. మంచి డ్రామా, మణిరత్నం మార్క్ స్క్రీన్ ప్లే. రెహమాన్ సంగీతం, రవివర్మన్ ఫ్రేమ్స్ కోసం ఈ చిత్రాన్ని కచ్చితంగా చూడాల్సిందే.

రేటింగ్: 3/5

Click Here To Read in ENGLISH

Click Here To Read in HINDI