Balakrishna: మరోసారి బాలయ్యతో సీనియర్ హీరోయిన్?

నటసింహం బాలయ్య ప్రస్తుతం నటిస్తున్న అఖండ నుండి ఇటీవల విడుదలైన రెండు టీజర్లు యూట్యూబ్ లో అదరగొట్టే వ్యూస్ సొంతం చేసుకుని మూవీపై అందరిలో భారీ అంచనాలు పెంచాయి. కెరీర్ పరంగా కొన్నాళ్ల నుండి సరైన సక్సెస్ కోసం ఎదురు చూస్తున్న బాలయ్య అఖండ తో అఖండమైన విజయం సొంతం చేసుకోవడం ఖాయం అని ఇన్నర్ వర్గాల టాక్. మాస్ చిత్రాల దర్శకడు బోయపాటి తీస్తున్న ఈ సినిమాలో బాలయ్య డ్యూయల్ రోల్ చేస్తుండగా ప్రగ్య జైస్వాల్ హీరోయిన్ గా నటిస్తోంది.

థమన్ సంగీతం అందిస్తున్న ఈ సినిమాని మిరియాల రవీందర్ రెడ్డి నిర్మిస్తున్నారు. త్వరలో ఈ సినిమా ప్రేక్షకుల ముందుకు రానుంది. దీని తరువాత గోపీచంద్ మలినేని దర్శకత్వంలో మైత్రి మూవీ మేకర్స్ బ్యానర్ పై బాలయ్య ఒక భారీ సినిమా చేయనున్నారు. ఇటీవల అఫిషియల్ అనౌన్స్ మెంట్ వచ్చిన ఈ సినిమా కాప్ యాక్షన్ డ్రామా గా మూవీ గా సాగనుందని, అలానే ఈ సినిమాలో బాలయ్య ఒక పవర్ఫుల్ పోలీస్ గా కనిపంచనున్నారని సమాచారం. థమన్ సంగీతం అందించనున్న ఈ సినిమాలో శృతి హాసన్ హీరోయిన్ గా నటిస్తోంది అంటూ ఇటీవల వార్తలు వచ్చాయి,

అయితే లేటెస్ట్ ఫిలిం నగర్ న్యూస్ ప్రకారం ఈ సినిమాలో త్రిష ని హీరోయిన్ గా తీసుకునేందుకు మేకర్స్ సిద్ధం అయినట్లు టాక్. సినిమాలో హీరోయిన్ క్యారెక్టర్ కి మంచి గుర్తింపు ఉందని, ఆ రోల్ కి త్రిష అయితేనే కరెక్ట్ అని భావించిన యూనిట్ ఆమెని ఫిక్స్ చేసిందట. గతంలో బాలయ్య హీరోగా వచ్చిన లయన్ సినిమాలో ఒక హీరోయిన్ గా త్రిష యాక్ట్ చేసింది. మరి ప్రస్తుతం వైరల్ అవుతున్న ఈ న్యూస్ నిజం అయితే మరొక్కసారి బాలయ్య తో ఆమె మరొక్కసారి హీరోయిన్ గా ఛాన్స్ కొట్టినట్లే అని చెప్పాలి. అయితే త్రిష నటించిన లయన్ మూవీ ఫ్లాప్ కాగా మరి ఈ సినిమా ఏమవుతుందో చూడాలి ..!!

Most Recommended Video

నవరస వెబ్ సిరీస్ రివ్యూ & రేటింగ్!
ఎస్.ఆర్.కళ్యాణమండపం సినిమా రివ్యూ & రేటింగ్!
క్షీర సాగర మథనం సినిమా రివ్యూ & రేటింగ్!