బాలయ్య-ఎన్టీఆర్ ల మల్టీ స్టారర్ మళ్ళీ తెరపైకి..!

March 24, 2020 / 05:35 PM ISTByFilmy Focus

Join Us

బాలయ్య-ఎన్టీఆర్ ల మల్టీ స్టారర్ మళ్ళీ తెరపైకి..!

నందమూరి ఫ్యామిలీకి సన్నిహితుడు స్టార్ ప్రొడ్యూసర్ సూర్యదేవర నాగ వంశీ ఓ అతిపెద్ద మల్టీ స్టారర్ కి తెరలేపనున్నాడా? ఆయన బాబాయ్ బాలయ్య, అబ్బాయ్ ఎన్టీఆర్ తో ఓ మూవీ చేయనున్నాడా? ఇప్పుడు ఇదే టాపిక్ టాలీవుడ్ లో నడుస్తుంది. నిజానికి గత పదేళ్లుగా ఇలాంటి పుకార్లు వినిపిస్తూనే ఉన్నాయి. బాలయ్య, ఎన్టీఆర్ కలిసి నటించనున్నాడంటూ, దర్శకులు వీరేనంటూ అనేక పేర్లు వినిపించాయి. ఐతే ఈ సారి వీరి కల సాకారం అయ్యేలా కనిపిస్తుంది.

మలయాళంలో సూపర్ హిట్ అయిన ‘అయ్యప్పనుమ్ కోసియుమ్’ సినిమాను తెలుగు మరియు తమిళ భాషల్లో రీమేక్ చేయబోతున్నారట. ఈ సినిమా రీమేక్ హక్కుల్ని సూర్య దేవర నాగవంశీ సొంతం చేసుకున్నారని సమాచారం. మలయాళంలో పృథ్వీరాజ్ బిజూ మీనన్ లీడ్ రోల్స్ చేసిన ఈ చిత్రం తెలుగు రీమేక్ లో బాబాయ్, అబ్బాయ్ కలిసి నటించే అవకాశాలున్నట్లు టాలీవుడ్ లో గట్టిగా వినిపిస్తున్న వార్త.

Once Again jr ntr Balakrishna multistarrer on talks1

సొసైటీ లో బలమైన శక్తులుగా ఉన్న ఇద్దరు వ్యక్తుల మధ్య అహం అడ్డొస్తే, ఆధిపత్య పోరు పెరిగితే ఎలా ఉంటుంది అనేదే ఈ చిత్ర కథాంశం అని తెలుస్తుంది. పాత్రల పరంగా ఎన్టీఆర్, బాలకృష్ణ చక్కగా సరిపోతారని కొందరి అభిప్రాయం. ఒక వేళ ఈ డ్రీం ప్రాజెక్ట్ సాకారం అయినా ఇప్పట్లో పట్టాలెక్కే పరిస్థితి లేదు. ఎందుకనగా ఎన్టీఆర్ ఆర్ ఆర్ ఆర్ తరువాత త్రివిక్రమ్ తో కమిట్ అవగా, బాలయ్య బోయపాటి సినిమా చేస్తున్నారు.