బాబాయ్ కోసం చరణ్ అలా చేసాడు

మెగా పవర్ స్టార్ రామ్ చరణ్ తేజ్ వ్యాపారంలోకి అడుగు పెట్టినప్పటికీ … అందులోని సూత్రాలను అనుబంధాల్లో కలపడం లేదు. అటు సినిమాల్లోనూ, ఇటు వ్యాపారంలోను విజయాలను సాధిస్తున్నప్పటికీ సొంత వారి ముందు కాలర్ ఎగురవేయడం లేదు. వారి తర్వాతే తాను అనే చందంగా వ్యవహరిస్తున్నారు. ఒకేసారి కుటుంబ సభ్యులు, అభిమానుల మనసు దోచుకుంటున్నారు. గతంలో 2017 సంక్రాంతికి తన సినిమా ధృవని రిలీజ్ చేసి భారీ కలక్షన్స్ అందుకోవాలని ఆలోచించారు. అయితే అదే సమయంలో మెగాస్టార్ చిరంజీవి రీ ఎంట్రీ సినిమా ఖైదీ నంబర్ 150 రిలీజ్ చేయాల్సి రావటంతో ఒక నెల ముందుగానే ధృవ సినిమాను రిలీజ్ చేశారు. అన్ సీజన్ అని తెలిసినా రిలీజ్ చేసి అప్పుడు శెభాష్ అనిపించుకున్నారు. ఇప్పుడు మరో సారి త్యాగానికి సిద్ధమయ్యారు.

చెర్రీ ప్రస్తుతం సుకుమార్ దర్శకత్వంలో రంగస్థలం 1985 మూవీ చేస్తున్నారు. దీనిని సంక్రాంతికి రిలీజ్ చేయాలనీ అనుకున్నారు. అయితే అక్టోబర్ లో రిలీజ్ అవుతుందనుకున్న పవన్, త్రివిక్రమ్ సినిమా ఆలస్యమవుతుండటంతో ఆ సినిమాను సంక్రాంతికి రిలీజ్ చేయడానికి ప్లాన్ చేస్తున్నారు. దీంతో బాబాయ్ సినిమాతో పోటీ పడటం ఇష్టం లేని చరణ్ తన సినిమా డిసెంబర్ నెలాఖరునే రిలీజ్ చేయాలని నిర్ణయించుకున్నట్లు తెలిసింది. బాబాయ్ కోసం చరణ్ వెనక్కి తగ్గి మెగా అభిమానులతో మరో సారి శెభాష్ అనిపించుకున్నారు.

Also, do SUBSCRIBE to our YouTube channel to get latest Tollywood updates.