మాస్ మహారాజ రవితేజ, కాజల్ కలిసి సారొస్తారు సినిమాలో నటించారు. ఇది నిరాశపరచడంతో మళ్ళీ ఈ జంట వెండి తెరపై కనిపించలేదు. ఈ జంటను త్వరలో వెండితెరపై చూడబోతున్నట్లు ఫిలిం నగర్ వాసులు చెబుతున్నారు. ప్రస్తుతం రవితేజ “రాజా ది గ్రేట్” సినిమా చేస్తున్నారు. అనిల్ రావి పూడి దర్శకత్వంలో తెరకెక్కుతోన్న ఈ సినిమా వచ్చే నెలలో రిలీజ్ కానుంది. దీని తర్వాత విక్రమ్ సిరికొండ దర్శకత్వంలో ”టచ్ చేసి చూడు” సినిమాను పూర్తి చేయనున్నారు. ఈ రెండు సినిమాల తర్వాత శ్రీనువైట్లతో మూవీ మొదలుకానుంది. మైత్రి మూవీ మేకర్స్ వారు నిర్మించనున్న ఈ సినిమా ప్రీ ప్రొడక్షన్ పనులు వేగంగా సాగుతున్నాయి.
ఇందులో హీరోయిన్ గా కాజల్ అగర్వాల్ ని తీసుకున్నట్లు సమాచారం. ప్రస్తుతం కాజల్ కళ్యాణ్ రామ్ సరసన ఎమ్మెల్యే చిత్రంలో నటిస్తోంది. అలాగే బాలీవుడ్ క్వీన్ మూవీ తమిళ్ రీమేక్ లో నటించడానికి గ్రీన్ సిగ్నల్ ఇచ్చింది. ఆ రెండింటితో పాటు రవితేజ, శ్రీను వైట్ల మూవీకి ఒకే చెప్పినట్లు తెలిసింది. ఈ మూవీ గురించి అధికారిక ప్రకటన త్వరలో వెలువడనుంది.
