అటు సీనియర్, ఇటు జూనియర్ హీరోలతో వరుసబెట్టి సినిమాలు చేసేస్తూ దూసుకుపోతున్న కథానాయకి తమన్నా. చిరంజీవి లాంటి సీనియర్ హీరోతో సినిమా చేస్తూనే విశాల్ లాంటి యువ కథానాయకుడితో జతకట్టి మెప్పించిన తమన్నా తెలుగు, తమిళ భాషల్లో అందరికీ ఫేవరెట్ హీరోయిన్ అయిపోయింది. కాజల్, నయనతారలు భారీ మొత్తంలో రెమ్యూనరేషన్ కోరుతూ కొన్ని ఆఫర్లు పోగొట్టుకుంటుండగా.. తమన్నా మాత్రం నిర్మాతలకు కంఫర్ట్ అయిన మొత్తంలో రెమ్యూనరేషన్ ఆశిస్తూ హ్యాపీగా కెరీర్ ను కంటిన్యూ చేస్తోంది.
వరుస పరాజయాల అనంతరం కొత్త హీరోయిన్లు తప్ప యువ కథానాయికలు కూడా రవితేజ సరసన నటించడానికి ఆసక్తి చూపించకపోవడంతో ఆయన సినిమాలకు హీరోయిన్లను వెతకడం పెద్ద రిస్క్ ఫ్యాక్టర్ అయిపోయింది దర్శకనిర్మాతలకు. ప్రస్తుతం “క్రాక్” సినిమాలో నటిస్తున్న రవితేజ ఈ సినిమా అనంతరం త్రినాధరావు నక్కిన దర్శకత్వంలో ఒక సినిమా చేయడానికి ఒకే చెప్పగా ఈ సినిమా కోసం హీరోయిన్ గా కాజల్ ను సంప్రదించడం ఆమె కోటి రూపాయలపైనే రెమ్యూనరేషన్ కోరడంతో ఆమె స్థానంలో ఇప్పుడు తమన్నాను ఫైనల్ చేసినట్లుగా తెలుస్తోంది. ఆల్రెడీ రవితేజ-తమన్నా కాంబినేషన్ లో “బెంగాల్ టైగర్” రూపొంది బాగానే వర్కవుట్ అయ్యింది. ఇప్పుడు మళ్ళీ ఈ కాంబినేషన్ మాస్ ఆడియన్స్ ను ఆకట్టుకుంటుంది అనడంలో ఎలాంటి సందేహం లేదు. ఈ విషయంలో అఫీషియల్ కన్ఫర్మేషన్ రావాలంటే మాత్రం ఇంకొన్ని రోజులు ఆగాల్సిందే.
Most Recommended Video
యురేక సినిమా రివ్యూ & రేటింగ్!
మధ సినిమా రివ్యూ & రేటింగ్!
మన టాలీవుడ్ డైరెక్టర్స్ మరియు వారి భార్యలు..!
