మాటలు పడటానికి మళ్లీ వైష్ణవి చైతన్య రెడీ అవ్వాల్సిందేనా? ఏం ‘బేబీ’?

సినిమాలో పాత్రకు, నిజ జీవితంలో మనిషికి తేడా గమనించకుండా.. నోటికి ఏదొస్తే అది అనేసి బాధపెడుతుంటారు కొంతమంది నెటిజన్లు. అలా రీసెంట్‌ టైమ్స్‌లో ఎక్కువగా బాధపడిన కథానాయిక వైష్ణవి చైతన్య (Vaishnavi Chaitanya) . ‘బేబీ’ (Baby) సినిమాలో ఆమె పాత్ర బాగా పండింది అనడానికి ఈ రెస్పాన్సే ఉదాహరణ. అయితే ఆమె పడ్డ మాటలు కొన్నిసార్లు చాలా బాధపెట్టాయి. ఆమెనే కాదు, సగటు సినిమా అభిమానిని కూడా బాధపెట్టాయి. అయితే మరోసారి అలాంటి రెస్పాన్స్‌ ఆశిస్తున్నారు ఓ నిర్మాత.

Vaishnavi Chaitanya

అవును, మరోసారి వైష్ణవి చైతన్యనను బ్యాడ్‌గా చూపిస్తూ సినిమా విజయం మీద కన్నేశారు. ఈ విషయాన్ని నిర్మాత నాగవంశీనే (Suryadevara Naga Vamsi ) చెప్పారు. సిద్ధు జొన్నలగడ్డ ‘జాక్‌’  (Jack)  సినిమా ప్రీ రిలీజ్‌ ఈవెంట్‌కి నిర్మాత నాగవంశీ అతిథిగా విచ్చేసిన విషయం తెలిసిందే. ఈ క్రమంలో వైష్ణవి చైతన్య గురించి మాట్లాడుతూ మా నెక్ట్స్ మూవీ హీరోయిన్ వైష్ణవి చైతన్య (Vaishnavi Chaitanya). ఇప్పటివరకు ఓ రకంగా చూశారు ఆమెని. మేం ఆమెను మాస్‌గా చూపించబోతున్నామని చెప్పారు.

అక్కడితో ఆగకుండా వైష్ణవిని చివరిసారి పద్ధతిగా చూసేయండి. మా సినిమాలో మామూలుగా ఉండదు. అన్నీ బూతులే మాట్లాడుతుంది. అయితే అవి మోడ్రన్ బూతులు. నా సినిమాలో ఈ అమ్మాయిని చాలా బ్యాడ్ గా చూపిస్తాం అని క్లారిటీ ఇచ్చేశారు నాగవంశీ. అయితే ఆ సినిమా ఏంటి అనే విషయం ఆయన చెప్పలేదు. ఇదంతా వింటుంటే హీరోయిన్‌కి నాగవంశీ ఇచ్చిన ఎలివేషన్ అని అర్థమవుతుంది. పనిలో పనిగా ఆ సినిమా కోసం కుర్రాళ్లకు టీజర్‌ కూడా ఇచ్చారు.

సితార బ్యానర్‌లో ప్రస్తుతం చాలా సినిమాలు తెరకెక్కుతున్నాయి. వాటిలో దేంట్లో వైష్ణవి చైతన్యను తీసుకున్నారు అనేది తెలియాలి. ఏ సినిమా అయినా అది కచ్చితంగా తెలంగాణ బేస్డ్‌ కథే అయి ఉంటుంది. ఎందుకంటే ఆమెకు అలాంటి పాత్ర అయితే బాగా నప్పుతుంది అని ఆమె మాట తీరు చూస్తే అర్థమవుతుంది. స్లాంగ్‌ పక్కాగా కుదురుతుంది కాబట్టి.

‘AAA’ సినిమా గ్లింప్స్‌తో మ్యాజిక్‌ చేసిన ఈ 20 ఏళ్ల కుర్రాడి గురించి తెలుసా?