మరో దర్శకుడిని పరిచయం చేయబోతున్న సుకుమార్..?

ఈ ఏడాది విడుదలైన బ్లాక్ బస్టర్ హిట్ సినిమాల్లో ఉప్పెన సినిమా ఒకటనే సంగతి తెలిసిందే. మెగా మేనల్లుడు వైష్ణవ్ తేజ్, కృతిశెట్టి ఉప్పెన సినిమాలో హీరోహీరోయిన్లుగా నటించగా ఈ సినిమాకు భారీగా కలెక్షన్లు వచ్చాయి. బ్రిలియంట్ డైరెక్టర్ సుకుమార్ శిష్యుడు బుచ్చిబాబు సానా ఈ సినిమాతో టాలీవుడ్ కు దర్శకునిగా పరిచయమయ్యారు. వైష్ణవ్ తేజ్, కృతిశెట్టిలకు ఈ సినిమా తొలి సినిమానే అయినా వైష్ణవ్, కృతి సినిమాలోని తమ పాత్రలకు పూర్తిగా న్యాయం చేశారు. అయితే ఇండస్ట్రీ వర్గాల్లో ఉప్పెన కాంబో రిపీట్ కానుందని జోరుగా ప్రచారం జరుగుతోంది.

మైత్రీ మూవీ మేకర్స్ బ్యానర్ లో తెరకెక్కబోయే సినిమాలో వైష్ణవ్ కృతి హీరోహీరోయిన్లుగా నటించనున్నారని ఈ సినిమాతో సుకుమార్ టీమ్ నుంచి మరో కొత్త దర్శకుడు టాలీవుడ్ కు పరిచయం కానున్నారని సమాచారం. అయితే ఈ మేరకు అధికారక ప్రకటన వెలువడాల్సి ఉంది. వైష్ణవ్ తేజ్, కృతి శెట్టి మళ్లీ కలిసి నటిస్తే ఆ సినిమాపై భారీగా అంచనాలు ఏర్పడే అవకాశం ఉంది. ప్రస్తుతం సుకుమార్ శిష్యుడు స్క్రిప్ట్ ను సిద్ధం చేస్తున్నాడని తెలుస్తోంది. మరోవైపు ఉప్పెన దర్శకుడు బుచ్చిబాబు సానా తన రెండో సినిమాను కూడా మైత్రీ మూవీ మేకర్స్ బ్యానర్ లోనే చేయనున్నారని సమాచారం.

బుచ్చిబాబు ఈసారి స్టార్ హీరోతో సినిమాను తెరకెక్కించబోతున్నారని తెలుస్తోంది. బుచ్చిబాబు సిద్ధం చేస్తున్న స్క్రిప్ట్ లో యంగ్ టైగర్ ఎన్టీఆర్ నటించే అవకాశాలు ఎక్కువగా ఉన్నాయని సమాచారం. మరోవైపు క్రిష్ దర్శకత్వంలో వైష్ణవ్ తేజ్ నటించిన సినిమా పోస్ట్ ప్రొడక్షన్ పనులు ఇప్పటికే పూర్తి కాగా ఆగష్టులో ఈ సినిమాను రిలీజ్ చేయాలని క్రిష్ భావిస్తున్నట్టు తెలుస్తోంది. వైష్ణవ్ తేజ్ మూడో సినిమా ఇటీవలే ప్రారంభం కాగా ఈ సినిమాలో కేతిక శర్మ హీరోయిన్ గా నటిస్తున్నారు.

Most Recommended Video

‘వకీల్ సాబ్ ‘ నుండీ ఆకట్టుకునే 17 పవర్ ఫుల్ డైలాగులు!
ఈ 10 మంది టాలీవుడ్ హీరోలకి బిరుదులు మార్చిన సినిమాల లిస్ట్..!
లాయర్ గెటప్ లలో ఆకట్టుకున్న 12 మంది హీరోలు వీళ్ళే..!