మొన్నీమధ్యే ఎన్టీఆర్ (Jr NTR) పుట్టిన రోజు నాడు మాట్లాడుకున్నాం.. మీకు గుర్తుండే ఉంటుంది. ఇతర హీరోకు ఫ్లాప్ ఇచ్చిన దర్శకుడితో సినిమా చేసి హిట్ కొట్టడం ఎన్టీఆర్కి అలవాటు అని. చూస్తుంటే వరుణ్ తేజ్కి (Varun Tej) కూడా అలాంటి ఆలోచనే ఉన్నట్లుంది. కావాలంటే మీరే చూడండి వరుసగా ఆయన సినిమాలు ఇలాంటి కాంబినేషన్లోనే తెరకెక్కుతున్నాయి. అయితే తారక్లా వరుణ్కి విజయాలు రావడం లేదు అనుకోండి. ఆ విషయం పక్కన ప ఎడితే వరుణ్ తేజ్ రాబోయే సినిమా విషయంలోనూ ఇంతే.
ఇప్పుడు ఇదే కోవలో ఇంకో సినిమా కథ కూడా ఓకే చేస్తున్నారు అని తెలిసింది. వరుణ్ తేజ్ ఇటీవల కాలంలో సరైన హిట్ లేక ఇబ్బందిపడుతున్నాడు. ఆయన వరుస సినిమా బాక్సాఫీస్ దగ్గర ఫెయిల్ అవుతున్నాయి. ఎలాగైనా విజయం సాధించాలి ఇప్పుడు జోనర్ మార్చి.. మేర్లపాక గాంధీ (Merlapaka Gandhi) డైరెక్షన్లో ఓ హార్రర్ కామెడీ సినిమా చేస్తున్నాడు. ఈ సినిమాకు ‘కొరియన్ కనకరాజు’ అనే టైటిల్ ఫిక్స్ చేశారని సమాచారం.
ఈ సినిమా తర్వాత వరుణ్ తేజ్ మరో దర్శకుడికి ఓకే చెప్పారని సమాచారం. రవితేజతో (Ravi Teja) ‘టచ్ చేసి చూడు’ (Touch Chesi Chudu) లాటి ఇబ్బందికర సినిమా చేసిన విక్రమ్ సిరికొండ (Vikram Sirikonda) ఇటీవల వరుణ్కి ఓ కథ చెప్పారట. పాయింట్ నచ్చడంతో డెవలప్ చేసే పనిలో ఉన్నారట విక్రమ్. మరోసారి క్లియర్ నెరేషన్ అయ్యాక అఫీషియల్ అనౌన్స్మెంట్ ఉంటుంది అని చెబుతున్నారు. దీంతో ‘ఫ్లాప్’ డైరక్టర్ ఫాంటసీని వరుణ్ కంటిన్యూ చేస్తున్నాడు అనిపిస్తోంది.
‘కొరియన్ కనకరాజు’కు ముందు మేర్లపాక గాంధీ ‘లైక్ సబ్స్క్రయిబ్’ (Like Share Subscribe) అనే ఫ్లాప్ సినిమా చేశారు. ‘మట్కా’ (Matka) సినిమాకు ముందు కరుణ కుమార్ (Karuna Kumar) ‘కళాపురం’, ‘శ్రీదేవి సోడా సెంటర్’ (Sridevi Soda Center) సినిమాలతో ఇబ్బందిపడ్డారు. ‘గాంఢీవధారి అర్జున’ (Gandeevadhari Arjuna) సినిమాకు ముందు ప్రవీణ్ సత్తారుకు (Praveen Sattaru) ‘ది ఘోస్ట్’ (The Ghost) ఫ్లాప్ ఉంది. ఈ లెక్కన హిట్ డైరక్టర్లకే సినిమా చేయాలి అనే ఆలోచన వరుణ్ తేజ్కి లేదు అనిపిస్తోంది.
