నందమూరి బాలకృష్ణ, బాబీ (కేఎస్‌ రవీంద్ర) కాంబినేషన్‌లో ఓ సినిమా రూపొందుతున్న విషయం తెలిసిందే. చాలా రోజుల క్రితమే అనౌన్స్‌ అయిన ఈ సినిమా ప్రస్తుతం ప్రీ ప్రొడక్షన్‌ పూర్తి చేసుకుని రెగ్యులర్‌ షూటింగ్‌ దశకు వచ్చేసింది. ఈ నేపథ్యంలో సినిమాలో కథానాయిక గురించి జోరుగా చర్చ నడుస్తోంది. అన్నీ అనుకున్నట్లుగా జరిగితే మరోసారి ఫ్లాప్‌ హీరోయిన్‌తోనే బాలయ్య ఈ సినిమాలో రొమాన్స్‌ చేస్తాడు అని అంటున్నారు. ఏంటీ… త్రిషతోనేగా మీరు చెప్పేది అనుకుంటున్నారా? మేం చెప్పింది ఫ్లాప్‌ హీరోయినే కానీ అది త్రిష కాదు అని అంటున్నారు.
ఈ సినిమాలో బాలయ్యకి జోడీగా సీనియర్ హీరోయిన్ త్రిష నటించనుందని వార్తలు వచ్చిన మాట వాస్తవమే. అయితే ఈ వార్తల్లో వాస్తవం లేదని సినిమా ఇండస్ట్రీలో చర్చ నడుస్తోంది. ఎందుకంటే ఆ పాత్ర కోసం సినిమా టీమ్‌ మరో సీనియర్ హీరోయిన్‌ను కాంటాక్ట్‌ అయ్యిందట. ఆమెనే ప్రియమణి. నటనకు ప్రాధాన్యం ఉన్న పాత్ర కావడంతో ప్రియమణి అయితే ఎలా ఉంటుంది అని టీమ్‌ అనుకుంటోందట.
ఈ సినిమా బాలయ్య టైపు ఫక్తు యాక్షన్ డ్రామా కాదట. ఫ్యామిలీ బ్యాక్ డ్రాప్‌లో సాగే ఎమోషనల్ డ్రామా అని అంటున్నారు. అయితే టీజర్‌ లుక్‌లో అలాంటి వాసనలు అయితే ఏమీ రాలేదు. మరి ఎమోషనల్ డ్రామా ఎలిమెంట్‌ను ఏమన్నా దాచారేమో చూడాలి. ఈ ఎలిమెంట్‌ కారణంగానే ఈ సినిమాలోకి ప్రియమణి వస్తోంది అని అంటున్నారు. అయితే ఈ సినిమాలో కూడా బాలయ్య ఎప్పటిలాగే రెండు పాత్రల్లో కనిపిస్తాడట.
అందులో భాగంగా ఓ బాలయ్య (Balayya Babu) సరసన హీరోయిన్‌గా ప్రియమణిని తీసుకుంటే… మరో హీరోయిన్‌గా అంటే కుర్ర బాలయ్య సరసన చాందిని చౌదరిని తీసుకుంటున్నారు అని చెబుతున్నారు. ఈ విషయంలో త్వరలోనే క్లారిటీ రావొచ్చని టాక్. ఇక ఫ్లాప్‌ హీరోయిన్లు అంటున్నారనేంటి అనేగా మీ డౌట్‌. త్రిషతో ‘లయన్‌’ సినిమా చేసిన బాలయ్య… ప్రియమణితో ‘మిత్రుడు’ చేశారు. ఆ రెండు సినిమాల ఫలితాలు మీకు తెలిసే ఉంటాయి.
మహేష్, చరణ్..లతో పాటు ఈ ఏడాది ఒక్క సినిమాతో కూడా ప్రేక్షకుల ముందుకు రాని హీరోల లిస్ట్
‘హాయ్ నాన్న’ నుండి ఆకట్టుకునే 18 డైలాగులు ఇవే..!
‘ఎక్స్ట్రా ఆర్డినరీ మెన్’ నుండి ఆకట్టుకునే 20 డైలాగులు ఇవే..!
Home