Ori Devuda Collections: వెంకటేష్ ఉన్నా..ఇంతే ఓపెనింగ్సా?

విశ్వక్ సేన్ హీరోగా మిథిలా పాల్కర్, ఆశా భట్ హీరో హీరోయిన్లుగా రూపొందిన తాజా చిత్రం ‘ఓరి దేవుడా’.తమిళంలో సూపర్ హిట్ అయిన ‘ఓ మై కడవలె’ కి రీమేక్ గా ఈ చిత్రం తెరకెక్కింది. ‘పి వి పి’ బ్యానర్ పై ప్రసాద్ వి. పొట్లూరి ఈ చిత్రాన్ని నిర్మించారు. అశ్వ‌త్ మారి ముత్తు ఈ చిత్రానికి దర్శకుడు. స్టార్ హీరో వెంకటేష్ ఈ మూవీలో దేవుడు పాత్రలో కనిపిస్తుండటం విశేషంగా చెప్పుకోవాలి.

ఈ చిత్రం దీపావ‌ళి సంద‌ర్భంగా అక్టోబ‌ర్ 21న విడుద‌ల అయ్యింది. మొదటి రోజు ఈ చిత్రానికి పాజిటివ్ టాక్ లభించింది. ఓపెనింగ్స్ కూడా పర్వాలేదు అనిపించాయి కానీ సీనియర్ స్టార్ హీరో వెంకటేష్ ఉన్నప్పటికీ ఆశించిన స్థాయిలో ఓపెనింగ్స్ రాకపోవడం గమనార్హం. ఒకసారి ఫస్ట్ డే కలెక్షన్స్ ను గమనిస్తే :

‘ఓరి దేవుడా’ చిత్రానికి రూ.5.3 కోట్ల థియేట్రికల్ బిజినెస్ జరిగింది. ఈ మూవీ బ్రేక్ ఈవెన్ కావాలి అంటే రూ.5.6 కోట్ల వరకు షేర్ ను రాబట్టాల్సి ఉంది. టాక్ పాజిటివ్ గా వచ్చినా, ఈ చిత్రంలో వెంకటేష్ వంటి స్టార్ హీరో నటించినా మొదటి రోజు కేవలం రూ.1.17 కోట్ల షేర్ ను మాత్రమే రాబట్టింది.

బ్రేక్ ఈవెన్ కు ఈ మూవీ ఇంకా రూ.4.43 కోట్ల షేర్ ను రాబట్టాల్సి ఉంది. వీకెండ్ బాగా క్యాష్ చేసుకుని దీపావళి సెలవుని కూడా క్యాష్ చేసుకుంటే తప్ప ఆ ఫీట్ సాధ్యం కాదు అనే చెప్పాలి.

జిన్నా సినిమా రివ్యూ& రేటింగ్!

Most Recommended Video

ఓరి దేవుడా సినిమా రివ్యూ & రేటింగ్!
ప్రిన్స్ సినిమా రివ్యూ & రేటింగ్!
అత్యధిక కేంద్రాల్లో సిల్వర్ జూబ్లీ ప్రదర్శించబడిన సినిమాల లిస్ట్ ..!