Anand Ranga: నెటిజన్ షాకింగ్‌ కామెంట్‌… ‘ఓయ్‌’ దర్శకుడు ఏమన్నారంటే?

ఆనంద్‌ రంగ గుర్తున్నారా? ఇలా అడిగితే వెంటనే చెప్పడం కష్టమే. అయితే ‘ఓయ్‌’ ఆనంద్‌ రంగా గుర్తున్నారా అని అడిగితే ఠక్కున చెప్పేస్తారు. ఆ సినిమా సరైన విజయం అందించకపోయినా ఆయన మాత్రం గుర్తుండిపోయే సినిమానే చేశారు అని చెప్పాలి. అలాంటి లవ్‌ స్టోరీని కన్విన్సింగ్‌గా చెప్పడం కష్టమే. ఆయన మాత్రం ఆ పని చేసి చూపించారు. అందుకే అంత గుర్తున్నారు అని చెప్పాలి. అయితే ఆ సినిమా ఇప్పుడు మళ్లీ థియేటర్లలోకి రాబోతోంది. ఈ నేపథ్యంలో ‘ఎక్స్‌’ (మాజీ ట్విటర్‌)లో మాట్లాడారు.

ఈ క్రమంలో ఆయనను (Anand Ranga) ఓ నెటిజన్‌ ‘గుండు’ అని సంభోదించారు. దానికి ఆయన ఇచ్చిన రిప్లై, ఆ తర్వాత ఆ నెటిజన్‌ ఇచ్చిన రిప్లై… దానికి ఆయన మళ్లీ ఇచ్చిన రిప్లై ఇప్పుడు సోషల్ మీడియాలో వైరల్‌ అవుతోంది. మామూలుగా సినీ ప్రముఖులు సోషల్‌ మీడియాలో కామెంట్లకు తక్కువగా స్పందిస్తుంటారు. అలా ఆనంద్‌ రంగా కూడా మాట్లాడారు. అయితే కొంతమంది మా కామెంట్‌ రిప్లై ఏమొస్తుందిలే అని కాస్త హార్స్‌గా రాస్తుంటారు. అలానే ఓ నెటిజన్‌ ఆనంద్‌ రంగాను కామెంట్‌ చేశారు.

అయితే అనూహ్యంగా ఆ కామెంట్‌కు స్పందించారు. ‘ఓయ్‌’ సినిమా ఈ నెల 14న రీ రిలీజ్‌ కానుందని ‘ఎక్స్‌’లో రాసుకొచ్చారు ఆనంద్‌ రంగా. ఈ క్రమంలో ఓ నెటిజన్‌ ‘గుండు.. ఇలాంటి మంచి సినిమా తీసి ఎటు వెళ్లిపోయావ్‌?’ అని అడిగారు. దానికి ఆయన స్మైలీ ఎమోజీని రిప్లైగా ఇచ్చారు. దర్శకుడి రిప్లైకి షాక్‌ తిన్న నెటిజన్‌ ఆ తర్వాత అలా పిలిచినందుకు సారీ చెప్పారు. ‘ఏం ఫర్వాలేదు. మీరు అన్న మాట నిజమే’ కదా అని రాసుకొచ్చారు.

సిద్ధార్థ్‌, షామిలీ జంటగా నటించిన ‘ఓయ్‌’ సినిమా జులై 3, 2009న విడుదలైంది. ఏమైందో ఏమో ఆ తర్వాత ఆనంద్‌ రంగా మరో సినిమా చేయలేదు. ‘షూట్‌ అవుట్‌ ఎట్‌ ఆలేర్‌’, ‘వ్యవస్థ’ లాంటి వెబ్‌ సిరీస్‌లను తెరకెక్కించారు. మరిప్పుడు వాలెంటైన్స్‌ డే సందర్భంగా వస్తున్న సినిమా ఏ స్థాయిలో అభిమానులను అలరిస్తుందో చూడాలి.

‘గుంటూరు కారం’ లో ఆకట్టుకునే డైలాగులు ఇవే.!

‘గుంటూరు కారం’ తో పాటు సంక్రాంతి సీజన్ వల్ల సేఫ్ అయిన 10 సినిమాల లిస్ట్.!
2023లో అభినయంతో ఆకట్టుకున్న అందాల భామలు.!