‘పడి పడి లేచే మనసు’ ప్రమోషన్ పెంచుతున్నారు

‘అందాల రాక్షసి’ ‘కృష్ణగాడి వీర ప్రేమ గాథ’ ‘లై’ వంటి విభిన్న చిత్రాలతో ప్రేక్షకులని ఆకర్షించాడు డైరెక్టర్ హను రాఘవపూడి. తాజాగా హను రాఘవపూడి డైరెక్షన్లో వస్తున్న తాజా చిత్రం ‘ పడి పడి లేచే మనసు’. శర్వానంద్ హీరోగా సాయి పల్లవి హీరోయిన్ గా నటిస్తున్న ఈ చిత్రం పై మంచి అంచనాలే ఉన్నాయి. ఇటీవలే విడుదలైన టీజర్, పాటలకి మంచి స్పందన లభించింది.

ఇక ఈ చిత్ర ట్రైలర్ ను డిసెంబర్ 14 న విడుదల చేయబోతున్న సంగతి తెలిసిందే. డిసెంబర్ 21 న క్రిస్మస్ కానుకగా ఈ చిత్రాన్ని విడుదల చేయబోతున్నారు. అయితే అదే రోజున ‘అంతరిక్షం’ ‘కే.జి.ఎఫ్’ వంటి చిత్రాలు కూడా రిలీజ్ కాబోతుండడంతో రోజుకో పోస్టర్ రిలీజ్ చేస్తూ ప్రమోషన్ల జోరు పెంచింది చిత్ర యూనిట్.